http://hk.apple.nextmedia.com/realtime/supplement/20160309/54842541
麵包？得！水果？得！就連燒賣都得！咁叉燒飯呢？得，得咗！西班牙品牌Roll'eat的環保食物袋，布面膠心裝乜都得，上月初由環保達人李美華大批引入香港。食物袋採用平面設計，攤開包好食物即可放進手袋，輕巧便攜又不易散，毋須膠盒膠袋。減廢？其實唔難。

環保袋由西班牙設計，雖是中國製造，但內層的柔軟膠膜具認可證書，不含有毒物質雙酚A（BPA），並達國際食物安全標準，可以直接接觸食物。使用方法十分簡單，只要把其攤開，放上食物後對摺，再黏上魔術貼即可，進食前則把食物移至碗碟再行翻熱。經不同用家發揮創意瘋狂測試，除了正路的麵包，還可放炸兩、糯米雞、豬腸粉，甚至有人用環保袋包一整個麥當勞餐。只要隨身帶備一兩個，便可輕鬆打包各種食物，吃不完的東西也可帶走，既省膠袋紙袋，又不會浪費食物。
記者嘗試打包叉燒飯，並重複拋高玩free fall，結果發現相當實淨，沒有散落一地。記者又到肉檔，用環保袋包起$50的豬骨放進背包，由港島到九龍全程沒有散開。但要記緊生熟食物要分開，保持衞生；袋內若沾上麵包碎等可用濕毛巾抹淨；至於油漬菜汁，建議像一般洗碗般，以海綿沾上一點洗潔精輕刷、過水，便可循環再用，壽命長達六年。
於是李美華在facebook開設專頁賣袋，反應熱烈，價錢暫定$65一個，查實總公司的定價原來超過$80，「他們好開心可以打入亞洲市場，所以畀我暫時以推廣價發售。我唔太計較賺唔賺到錢，?家賬面打個和，只係希望大家可以買嗰嚟試，改變生活模式。」
從事海洋保育10年的她，一直關注三跑與港珠澳大橋對環境造成的破壞，但人人均覺距離自己太遠，難以改變，但有時簡單如使用環保食物袋，都可實踐綠色生活。她希望能慢慢變成潮流，儘管侍應看見你那個「膠袋」或會目瞪口呆，但你卻正在改變世界。










facebook page:
https://www.facebook.com/ecowraphk/