話說昨天出咗個post，講有關黎汶洛競選立法會嘅新聞，引來當事人及佢朋友黃之鋒回應。（https://www.facebook.com/oscarlaimanlok/photos/a.1658266137792324.1073741828.1655668564718748/1683346845284253/）（https://www.facebook.com/joshuawongchifung/posts/999925353433306）
以下我會作出回應同反駁：
我的原文旨在討論「語文能力程度低嘅黎汶洛，能否勝任立法會議員工作」。由於兩人論點薄弱，本人姑且抽少少時間來反駁。
#1
黎汶洛：「有網友……質疑我現在就讀的港專課程，擔心我未來若果參選，不能夠勝任立法會議員。我想這是一個很好的機會，讓大家認識一群甚少進入大眾眼光的港專同學。」
- 首先，我諗黎先生理解能力可能有少許問題。我原post提及「港專」的原句摘錄，如下：「黎汶洛於文憑試僅獲4科2級，其中英文1級，其後報讀港專課程」以及「‪#‎咩係港專‬」，全是陳述事實以及作出客觀性提問，何來有質疑「港專」課程本身的應受性，何來有質疑港專生能否勝任立法會議員，甚至何來有質疑歧視港專學生？所以，黎生及後於文章詳述「港專生如何積極參與社會運動」、「他們（港專生）的政治人格，誠然與其他關心社會的學生一樣高貴」等云云，根本不在我原文的主旨「語文能力程度低嘅黎汶洛，能否勝任立法會議員工作」的討論之列。
#2
黎汶洛：「其實是每年中學文憑試中，都有近五成學生的英語水平，未能跨越升讀大學的基本要求，與專上教育無緣。最近學生自殺問題極為嚴重，幾乎每一天都有壞消息，其中一個原因，就是社會上有不少人只以學歷、學業成積來判斷他人，社會氛圍長年累月地，充斥著貶損低學歷青年的言論，終於導致自殺潮一發不可收拾。所有關心自殺學生的朋友，如果你也討厭社會以學歷規限年輕人的未來，我希望你注意勿在不自覺間，成為了加害者。」
- 不知所謂。黎生示範了非常低質的偷換概念，將我原文討論方向扭曲。我一直討論緊，語文能力程度低如黎汶洛，能否勝任立法會議員工作？黎生一開波就嚟一招轉移視線，將討論焦點推遠至佢所提及的「有近五成學生的英語水平，未能跨越升讀大學的基本要求」，我想請問，呢五成英語水平未達標嘅學生，係咪全部都好似你咁，以參選立法會作為目標？若非，我原文所討論的「黎汶洛」，與黎生所提及的「五成學生」，有何比較性？
#3
- 我一向提倡，若果學業成績不理想，同學們大可以循讀書以外既途徑發展，2014年DSE放榜，我就在facebook出咗個post，建議不是讀書材料的同學仔，無謂勉強自己去Repeat、去讀Asso/High Dip，最緊要快快手搞清自己條路，唔好為讀書而讀書，唔好因為唔想投身社會，而借讀書黎逃避責任，最終搞到萬劫不復，又Repeat又Pre-Asso又Asso。（原文：https://www.facebook.com/iamkingjer/posts/699430650128802）
- 而，我個人認為，語文能力，是勝任立法會議員一席的「基本」。語文聽講讀寫能力：「聽」要聆聽官員和其他議員的發言是否有謬誤，聆聽市民聲音；「講」辯駁能力，能否向外清楚有條理地講解自身政見；「讀」閱讀大量立法會文件、法律文件及政府文件；「寫」撰寫發言稿，雖然聞說部分議員的稿件由助理所寫，但議員本身仍需要有一定程度的寫作能力，才能審核助理所寫的稿件是否適合。驗證「聽講讀寫」能力，文憑試是其中一個方法（非唯一），而黎汶洛不合格。當然，亦有其他驗證參選者的「聽講讀寫」能力，例如訪問、出席論壇、遊行時的發言、選舉論壇等，而我個人觀察，黎汶洛仍然是不合格。當語文能力基礎都搞唔好，有咩社運經驗都係徒然（黎汶洛亦不見得有任何見得人的社運成績）。
- 大家呢四年來，笑鍾樹根等建制派議員的中英文，甚至話若果鍾樹根去考dse實pass唔到，笑得不亦樂乎。但當自己支持的參選人出嚟選，又變咗做「語文能力同立法會議員能力無關」？犀利喎。
#4
- 然而，黎生及其粉絲，居然進一步將我嘅言論同近日學生自殺潮扯上關係，指「貶損低學歷青年，導致自殺潮一發不可收拾」，簡直刻毒之心路人皆見：
一）我本身的言論旨在討論「黎汶洛的語文能力」，不知大家能否搞清「語文能力」與黎生所提及「學歷」的分別。引述我的原post，我從來都只質疑黎汶洛的語文能力，而黎生的「學歷」，我只提及過「黎汶洛於文憑試僅獲4科2級，其中英文1級，其後報讀港專課程」以及「#咩係港專」兩句，我幾時貶損你 / 低學歷青年呀？咁，自殺潮又關我咩事呀？
二）只以學歷、學業成積來判斷他人，是非常有問題的思維，正如我上面/ 以前的post所講，除學業之外，年青人還有許多出路，讀書以外，仲有好多途徑發展自己，學業不是唯一。但，又容許我再講多次，我討論緊「黎汶洛語文能力能否勝任立法會議員一職」喎？立法會議員一職，正如我所講，對於立法會議員，語文能力係基礎，我作為選民，睇唔到點解我唔可以質佢語文能力。
所以，以學業成積來判斷學生（as a whole），我反對；但，以學業成積來判斷一個人的職業身份是否稱職 / 能否勝任議員一職，基於「議員」這項職業本身對語文能力有一定基礎的要求，正如其他職業，你可以質疑「補習老師」唔夠quality，沒有問題。
#5
黎汶洛：「假若未來我有幸進入議會，我不是只有一個人，而是選民把一整支新世代隊伍送進去了。這些人當中，有具相當學術知識的朋友……」
- 咁點解要你，唔係你背後條team既人出黎選？點解要選你？你有咩料？Who is 黎汶洛？
#6
黎汶洛：「日本「經營之神」企業家松下幸之助，只受過4年小學教育；美國革命重要的領導人之一，同時是出版商、印刷商的班傑明·富蘭克林，只上學至十歲；史上第一架飛行器的發明者和製造者萊特兄弟，只接受了中學教育但都未獲得文憑。若果說（我）文憑試考得不好，便不可能在更艱澀的範疇有好的發展，網友未免多慮。」
- 黎汶洛居然拎松下幸之助同萊特兄弟嚟同自己比，大開眼界。佢地係佢地出色嘅領域，都有非常豐富同實質嘅經驗。黎汶洛係政界，有咩成績可以同人比？
#7
黃之鋒：「見到King Jer 娛樂台話英文拎Level1仲難過5**，純粹想提供返資料，話說上年DSE拎Level1既人係5**既12倍，因為喺2015年既DSE考試裡面，只得0.9%既學生拎5**，但卻有12.6%既同學拎Lv1，更加唔好講話有8.1%既同學拎U。」
- 首先，我原文打「‪#‎聽講英文拎level1仲難過拎5星星‬」，如何由「聽講」可以演變成「我話」，黃之鋒請解釋。
- 黃之鋒quote的數據，是fact，是客觀資料，證實拎5星星嘅人數少過拎lv1（which 我原文從來無討論過學生拎邊個grade既人數較多）。我原文：「#聽講英文拎level1仲難過拎5星星」，我提及的是難易度，是主觀感覺。有無試過，考完一場試，行出黎個個話好難，但自己覺得好易？（vice versa）。拎5星星人數少過lv1又點？同lv1及lv5星星嘅難易度無衝突架喎。
而黃之鋒其他講嘅野都係同黎汶洛差唔多，上面講咗，所以唔再反駁。
～～～～～～～～～～～～～～～～～～～～～～～～～～～～～～
所以，就係咁，關於黎汶洛及黃之鋒扭曲本人言論，我本人嘅反駁係咁上下。
有時真係唔係好想講太多政治，你估次次選舉都會有好似天琦之類的能言善駁，滿肚墨水嘅參選人咁有睇頭？So far，我地得到如黎汶洛之類的質素。正如 健吾所講，左膠既問題，唔係「左」，而係「膠」，終於真正領教過佢地嘅膠。由今日開始，我會密切留意黎黃二人嘅表現，係咁。
‪#‎真心著火‬

https://www.facebook.com/iamkingjer/posts/1023958294342701

中文拎2都算啦
英文拎1都夠膽選議員