身兼港區政協委員的星島集團主席何柱國，昨晚在一頒獎典禮致辭時，點名批評發動佔中的港大法律系副教授戴耀廷鼓吹違法是「仆街教授」，加上本土民主前線梁天琦「呢班木嘴」反水貨，令香港經濟跌至20年來最差。何柱國又說，這班人聲稱共產黨不好，他則以美國共和黨總統參選人特朗普（Donald Trump）為例，稱此人偷呃拐騙，為選舉做戲，呼籲外界別單看表面、胡亂批評當權力者。

何柱國直斥特朗普「呢條友偷呃拐騙咩都嚟，又話破產，今日又告你咩，你唔好以為佢客氣呀對著啲人握手，佢呢世唔鍾意同人揸手」。他稱認識特朗普20多年，今年才首次與他握手，「佢怕污糟呀，所以一見到人就即刻拍著你膊頭，今次唔係，同你揸手」，質疑對方握手後回家，可能會用火酒洗手，「所以呢個世界，大家唔好睇表面，要睇個人實在做嘢，唔好立亂批評人哋，當你自己做緊呢樣嘢，你就知係幾困難」。
何指電視上評論中美的時事評論員「水嘢嚟嘅，我擔保你哋，我知道大陸比佢一千萬倍」，稱自己在內地打滾很多年，「咁多年嚟，我見過中央嘅政策，見過好多嘢，從來無話要踩香港一腳、要唔支持香港嘅，真係畀良心講」，故不明為何這班年輕人為何還要港獨、批評共產黨不好，「大陸政府咁多屆裡面，真係冇話好唔想香港個經濟好」。

http://hk.apple.nextmedia.com/realtime/news/20160319/54885603