【財委會】蔣麗芸鬧長毛慢必八婆 李卓人：你收返啦



李家皓攝 (蘋果日報)

財委會今日再開會，主席陳健波中午試圖阻止議員再就「基本工程儲備基金整體撥款」發問，指有關項目已討論超過8小時，人力陳偉業不服，陳健波則指「你聽我講埋先，你又想我趕你出去？」，並指會讓議員作最後一輪兩分鐘發言，之後即處理37A臨時動議。陳偉業對此表示嘩然，指自己只第一次問栢麗大道的問題，直斥陳健波無恥，陳健波則指「我決定就決定咗嘞」。

社民連「長毛」梁國雄即作出反擊，並隨即提動議休會，形容陳健波「真係一個文學大學，『重覆』呢個字畀你重覆修改咗，你唔好侮辱中文得唔得，講大話用第二種語言講啦」。長毛說：「我畀咗錢你先，你仲會有成棚官喺度咩？再問你哋，問和尚借梳呀？答唔到就叫其他人去第二度問。問來問去，你哋都唔答，先會搞到咁」。
民建聯蔣麗芸則不滿陳偉業關注栢麗大道的榕樹問題，指有關樹木「全部有圍欄包好嘢，有鐵枝、鋼技圍住，你幾時去睇過呀，九西啲嘢又關你事？」，說法引起長毛、人力陳志全嘲笑，其間蔣麗芸一度炮轟慢必、長毛是「八婆」，長毛則指「鬧人八婆？希望你收返先啦」，蔣麗芸反指「你話邊個八婆呀？」，陳健波則拒絕長毛提出要蔣收回言論的要求，只稱議會已濫用粗言穢語。
接著發言的工黨李卓人則指，十分遺憾蔣麗芸發言侮辱女性，希望蔣麗芸「自己收返呢番言論」，指「你鬧人都唔好用呢啲言論啦」。蔣麗芸則一臉憤怒，未再作回應，會議繼續。
最終長毛提出的動議休會動議，以5票贊成、35票反對被否決。

http://hk.apple.nextmedia.com/realtime/news/20160319/54885293