首先，龍珠(及IQ博士?)係一本成功漫畫，但龍珠成功後烏山明之後出既短篇漫無咩話題，好多睇既原因都係睇在「龍珠作者」份上先會睇吧?龍珠當年的確時代的經典，但用現時角度睇只係一套「單純打鬥漫畫」而已，話佢單純打鬥係因為龍珠除打鬥外好似就沒有其他原素了，無咩愛情(或基情/百合)、無咩理念、無故事性、單純鬥戰鬥力推進既漫畫。

以悟空戰鬥力路線為例:龜仙人修練>打敗程龍>貓仙人修練>打敗桃白白>再貓仙人修練>打敗大魔王>天神修練>打敗笛子魔童>界王修練>打敗比達>重力修練>打敗菲利>精神屋修練>被斯路打敗>界王神修練(悟飯)>打敗布歐......反正就係修練完打強敵LOOP，當然仲有好多BUG，但唔係本文重點，重點在烏山明寫故事其實並不太出色，諷刺係我認為故事性最好既斯路篇都唔係佢編輯，在布歐篇由佢寫返已覺得故事性「略幼稚」，本來佢唔再出山安定收下版權費，得聞畫下插畫就可以上神台，但而家由佢編輯既「龍珠超」就完全暴露佢弱點(利申無睇開，靠WIKI睇故事內容)。

烏山明先生，你一係封筆唔好搞臭龍珠個朵，一係畫一套可以超越及擺脫龍珠既新作品，否則你只係活在過去的作家。(其實仲有好多野想寫，不過都係長話短說吧)