講起就扯火啦！

話說建制派一直都向市民派蛇齋餅粽，
啲旅行仲要一直有好多港豬幫襯。
搞咗咁多年，已經有好多港豬投票畀佢哋。

咁多年嚟建制派都好畀心機咁做……馬，中央亦好like佢哋。
因為呢種手法既箍到票又有效，所以建制派諗住進攻選超區。
建制派原本一直有好多擦鞋仔支持，所以無咁多……藍絲……投訴……

好多年之前，建制派好落力支持６８９參選特首，
初時６８９講到要幾好有幾好，
話政改一定會成功，香港會有普選特首……

點知中央嚟到，
就話香港唔可以有公民提名，
為咗國家安全為由，要求落埋個閘，
等中央慢慢揀……特首。

當時泛民梗係詐晒形啦……
仲要建制派唔好支持中央嘅決定。
建制派當時唔想得失中央，
但又怕比人complain話建制派無盡力推動政改，
結果就死都要舔住鞋底，
都要袋住中央決定嘅政改方案……

梁特施政下，好多問題，
超支高鐵廿三條，水貨走私出絕招……
至於班建制派呢……
就開始逆民意而行，開始反民意，
甚至無視民意……

隨後，雨傘革命發生咗，
班建制派就開始憎恨所有泛民提出嘅嘢，
加上田大少因為質疑特首方丈，
之後特首方丈就complain比中央，
結果唔使去到年底，
中央就炒咗田大少……個政協職位。

到咗政改方案表決當日，
建制派本來諗住坐定笠六等表決通過，
點知班豬隊友被人捉到玩WhatsApp，
仲有人post咗山埃情報搞到政改炒咗……

結果班建制派好唔順氣，
於是就用自己方式，
屈泛民，賴泛民點樣搞寸個政改……
泛民心有不甘，梗係同建制派嘈啦！
之後本土派又跟住嘈喎……

終於……建制派令香港每人失去幾千蚊，
因為高鐵又超支啦……

成個故事仲未完㗎……
都唔知仲可以寫幾耐……
總之，太親中嘅結果，太愛國嘅結果，你明嘅。
＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿
《親中派》

原曲：《關家姐》，關心妍
作曲：周錫漢
改詞：Tommy Shek、Mr.Alan

投票畀親中黨派議員　有專車可接送
有餅　有粽　每位拎幾份
旅行　遊行做數
賴帳即刻走數　收錢叫好

屈機剪布議程　撐中央的個性　惡頂
十問九唔應　有奴性　普選等邊個做決定
議決落馬賴佔中立即抽水complain

嗱嗱嗱田大少搞錯　只因為被中央炒咗

這親中派（親中派）　民調都出賣（都出賣）
這禮義廉落區懶懶閒　反感過慢　製造笑料　大家高興
這親中派（親中派）　這惡行已經多到滿座　哪位知道
領功上報　議員全唔用腦　霞姐恥笑　當睇不到

還記得親中黨派有人　叫tree根搵老襯
錯得　太多　要膠少一陣
票源　全程做馬　蒙騙一班長老　師奶叫好
舉手機器議員撐超支挺惡法
葛姐　令學生自殺　無辦法
普選都拖過十數年　有議員洩露訊息　睇WhatsApp未求證

嗱嗱嗱投白票搞錯　只因為班友黐鬼咗

這親中派（親中派）　成隊都轉軚（都轉軚）
看禮義廉賣港當吔飯　反感過慢　繼續領功　大家心領
這親中派（親中派）　這惡行已經多到滿座哪位知道
領功上報　議員全唔用腦　霞姐恥笑　當睇不到

文匯報煲水新聞　拉票叫你關心　搞錯
話種票　就當無做過
屈機玩謝我　立會豬兜太多
亂剪布就過　整色整水也可
誰人來延續票選左派誰來愚弄我

這親中派　民調都出賣
種票舊橋段演過照辦　屈票過萬　五毛炸版又loop幾晚
這親中派（親中派）　這惡行已將公正法治染污覆蓋
成班建制　舔共全程盛載　如今的我　已經反檯