今朝見到個有關本地歌既post，雖然入面仲有好多人爭論，但其實都睇得出本地歌係好需要人支持(質素值唔值係另一回事，好似港足實力並唔強但都值得大家既支持)。

依加既歌手入行除左寫出好歌而被人發掘之外，電視台亦都係歌手(主要係淨唱而非創作歌手)既一個最大選擇；時間倒數到收視仲有1點既亞視有亞洲星光大道(多數支那人先會參加)，cctvb亦有超級巨聲，無疑係比到好多希望成為歌手或者有一定唱功既人一個「舞台」。

但諗深一層，電視台真係有心搞好本地「樂壇」？超級巨聲既優勝者比cctvb簽完之後有幾多個係多左資源做創作？唔可以話冇，但空間係極細。全部歌手都要出show、拍劇，仲邊有咁多時間坐低感受身邊既靈感？坤哥、林師傑就係咁樣而令好多人忘記佢歌手既身份變左做藝人。加上，音樂節目點擺係收視率相對較高既匪趣台播？仲要cut鐘，深夜播，咪都係因為想係黃金時段到播其他電視台覺得收視會高既節目；歸根究底，原來又係市民既錯。

我最喜愛既本地樂隊係beyond，即使拆左伙我都覺得佢地都應該可以繼續佢地既rock n roll精神，唔淨只搵銀，而係創作有自己風格既歌，同埋可以繼續擁有一個關心社會既良知。點知？一個有名你叫蝗家強，另一個北上娶北姑，一個就玩我是歌手；前兩者較屬私人事務與本地樂壇無大關係，但參加我是歌手……你可以睇做將香港音樂發揚 (其實家駒年代都有北上開演唱會，但當時既其實仲有其他既理念想帶到支那)之但係呢次就似係俾面派對同埋搵奶粉錢多d。黃貫中都唔係第一次，之前幫可樂作紅黑都已經有人批評過依加唔多講；但上呢類型既節目實在令人感覺商業味極濃。作為樂壇既中流砥柱之一，咁樣可能只會令後輩有樣學樣，終令曲風甚至粵語歌都唔唱。

香港本地有好多音樂狂熱份子同有實力既歌手，係呢個商業化既社會，唔入流係好難生存，但唔隨波逐流，令樂壇歌手避免被灌上娛樂圈藝人既名字先係最重要。

從前我覺得香港得娛樂圈冇樂壇係好中肯，到今日，感覺更強。


利申：9up