最近有一條村舉辦的村委會選舉, 由當地的主要爭議完全主導了選舉議題, 由過去輕鬆的社會氣氛, 變得極之暴戾. 最終其中一派係新的村委會佔了主導, 無論從議席角度還是得票, 都顯示當中一派明顯勝出當地的村委會選舉.

惟獨一直都唔明白, 點解有D村民可以當其他村民係殺父仇人,言辭之間充滿憎恨, 揸住雞毛當令箭, 十足十一個怨婦.而唔係係互相尊重的情況各有各講, 各有各生活, 開開心心係條村生活?

然而, 民意係好清楚, 村民選舉的票數反映的多數村民對個種活動係不歡迎, 將個樣活動形容好似殺左佢老豆老母.將個部份村民又形容係食屎狗又係罪犯, 對佢地既形容近乎瘋狂, 恨之入骨黎形容, 仇恨之情況, 就快追上ISIS, 係基本上無拉票的情況, 平時唔見佢出黎講多兩句的情況, 個兩條原居民當選村長, 並且以絕對多數的50幾%支持的情況下當選, 換言之, 多數村民的確係認同佢種咁強悍的講法.所謂村民唔係咁睇, 咁今次的確唔應該再同村民的主流意見對抗.

最令人意外同失望既係, 並唔係各位村民點樣看待個種活動, 意見之分歧.畢竟意見有分歧係社會常態, 一直都可以討論下,
上屆的村長都主導幫助村民同深入討論, 最終有無共識, 點樣處理, 乃其次.但今屆當選村長個條友, 好早已經表明佢個種決絕的態度.而係多數派的選民選左一個咁既人上去做村長, 出任依個職位唔係再以協調者身份出現.當左自己係本土派咁戰鬥格
做依個位既人完全唔再同少數派溝通妥協, (更何況佢地雖然少數, 但都有四成至一半的支持, 唔係極少數)

最終結果係多數人係極高投票率的情況選左選左一個以言帶憎恨態度處理一個要處理村民關係同接納意見的人出任依個職位.我就覺得好有問題, 極不合適, 令社會更加互相對抗. 現在只係無言.

不過從來唔會好似其他村民投訴, 講咩最黑暗時代. 依D係廢話.政治的本質就係暴力同成王敗寇. 係條村都一樣.就正如依個世界妥中共, 睇唔過眼, 就一早直接移民啦, 唔通見到咁既時勢仲同佢抗爭? 都廢既, 佢都唔會聽你意見咩.依家面對一個"強勢"的人, 十足十梁振英咁, 我唔會再好似以前咁出聲咁多聲氣.反正兩派的村民人都唔會聽, 岩岩當選村長個條友更加肯定都唔會聽, 而成條村都已經撕裂到不知所謂的地步.兩派的人為達目的, 咩出錢請人乜乜乜都UP得出.

另部份人令人沮喪, 係縣官的態度. 縣政府方面一早就以村委會自治, 不加以干涉. 美其名自治, 實際上是因為朝廷無能為力, 根本管不了那麼多. 然而, 應該要採取行動, 維護局勢平穩. 條村人口已經唔多, 又唔係大呀, 村長同村民都帶頭用日日用殺父仇人態度咁上, 點生活呀? 無架啦, 世事既野唔再理了.