http://hk.apple.nextmedia.com/supplement/car/art/20160403/19554058

【汽車籽：軸芯人物】
根據法例，私家車車齡滿六年便要年年驗車，香港人多車多，可是驗車中心的數目一直維持22間，排期驗車真的等到天荒地老。最近政府再度簽發牌照，驗車中心已增至現時的28間，但人手依然不足，本身是車房維修員的謝偉強（阿強）乘勢考牌，當上認可車輛測試員（下稱驗車員）。對於近年多了車主不經車房檢修、自行把車送到驗車中心，阿強提醒大家要對自己的車輛有足夠信心才考慮，並向大家分享一點心得。

記者走訪這家位於荃灣全新開業的驗車中心，這裏設有5個汽車維修升降平台，規模暫屬全港最大，每天可以檢驗150架次，每部需時約15至20分鐘。不過好的硬件也需人員支援，惟香港驗車員數目長期不足，只有不足300人，究其原因，除了政府一度暫停發牌照，驗車員的考試有難度亦是主因。

驗車員　合格率僅三成
於車房工作十多年的阿強，年初乘着政府重新發牌而轉當驗車員，但他坦言，考試比想像中困難得多，「去做車房嘅人，多數都係讀書麻麻哋，?家要讀番書，好似重新返學校上堂咁。雖然上課時間只係幾日，但就要溫熟所有條例，跟住就要考試。即使有空閒時間，都係喺度溫書。」若想更進一步，成為「負責人」（Responsible Person, RP），便要再考另一個試，「因為呢個職位係監控驗車員嘅工作質量，管理成個驗車場嘅運作，如果有投訴，都係RP去了解成件事點樣解決。」即使是剛入職場的年輕一代，要背熟大堆條例也感吃力，何況是阿強般離開校園多年的人？所以驗車員考試合格率一直很低，只有約三成。[/size=4][/i][/b]
驗車前，大部份車主會選擇找車房代辦，然後便是等對方告知結果。對過程充滿好奇？據阿強所說，所有驗車中心的流程均大同小異，先是核對車身號碼，再來就是從車身外部開始檢查，例如車頭尾燈；接着上升降台檢查底擔、左右轉向系統、主螺絲有否鬆脫，死氣喉有否漏氣，最後就是逼力及廢氣。悉數合格後，便會給予合格紙，車主可前往運輸署繳交牌費。

廢氣難測　肥佬要畀多$585
近來多了車主不經車房驗車，省卻經事前檢修的費用及時間，但有任何小毛病，都得多驗一次，多交$585驗車費，分分鐘弄巧反拙。阿強指出，二手車可能被改裝過，車主未必知道，首次自己送檢有風險，至於一手買入的車輛，車主要熟悉性能才值一博，加上沒有車房的設備，車主可做的其實不多，「一般車主只可以做啲比較表面嘅觀察，主要都係留意自己嘅車有冇貼咗違規玻璃紙，同埋用緊嘅車頭燈係咪同牌簿一樣。尤其二手車，買番嚟之前可能俾上手車主換咗啲嘢，現任車主未必留意到。當然，最好係要定期保養，咁就可以確保機件良好。」
至於廢氣排放量亦是另一個值得留意的地方，「因為無論車主抑或車房都未必有設備做測試，催化劑係會老化，要到驗車中心先check到。另外，底盤部份嘅底擔、杯士和塵冚，呢啲都要多加留意。」