從來都係個句, 依家搞緊港獨既唔係真正的香港人
因為真正的香港人係唔會想獨立

真正的香港人係無承擔, 怕事又怕死,
有事就移民, 無事就回流拎著數
香港獨立, 就意味香港人的家園由香港人自己負責
唔可以再將責任推諉比中國又或者英國甚至美國
係要付出極大代價, 甚至要流血, 要付出自己的生命
香港獨立? 算吧啦, 向來睇死香港人架啦
追求香港獨立, 不如留多錢買六合財中三T算吧啦,
自己經濟獨立, 財務自由
依個亦都好符合上一代獅子山精神的事,
就係自己的事自己負責, 其他人同公共既事唔好理
用中國人的話就係『各人自掃門前雪，莫管他人瓦上霜。』
香港人係無藥可救架, 根本自私到不得之了, 又唔顧他人感受同需要
連日本人的公民質素的一半都無, 香港人大部份情況下都係"中國人"呢

從來唔係因為無水無糧依D咁低能既理由而擔心
依D只係硬件問題
向來水同糧食, 有錢就買到架啦,
你無錢比廣東省, 你睇下佢仲比唔水你
擔心無水同糧食, 不如擔心自己無錢
香港名義上係大把錢, 依點根本無需擔心

香港根深柢固的問題係, 唔係有無水同糧食問題
而係香港人對中國的態度又好, 對香港的態度又好,
都係無承擔, 無腰骨, 無遠見, 無公共意識
見利忘義, 見錢開眼, 比你獨立又如何
對香港人無意義, 有好處既反而係其他外部勢力

你睇下最近立法會補選就知
投票率得46%, 五成半無投票,
更加未計無登記選民個批, 加埋可能上七成
台灣求其一個選舉都有75%投票, 選民登記率明顯的高
香港七成人連票都唔投, 對社會漠不關心佔極大多數
所以想香港獨立既, 一直唔係香港人
而係需要香港獨立建國而達到另外一D政治同經濟目標的人 (洗黑錢之類)

所以一日香港人精神面貌停留返係七十年代個種思維,
就算比你香港係美國扶持同保護下, 又如何
香港人都依舊過"正常生活", 咁係無用架
獨立變左法國大餐
慳返啖氣暖個肚, 追求個人的財務自主,
好過咩政治自主獨立好過啦

如果香港人精神面貌有進步, 先係真係要追求的話, 獨立定唔獨立, 一國唔一國兩制, 都只係一個框架