利申左先, 我仲未睇末世凶煞(Cloverfield), 但聽過同呢部電影完全冇關係

劇情

就係一名女子在一場車禍後倖存下來，醒來後她發現自己困在地窖中，救她性命的人告訴她，外頭的世界因生化武器的影響使得地球表面相當不安全。但女子不確定該相信什麼，於是她決定逃走，儘管外頭充滿著未知的危機..

套電影103分鐘, 我可以講係頭八十幾分鐘都好睇, 導演可以利用地窖一個場景、三個角色就做到一種好懸疑嘅氣氛, 口水多過茶
個導演專登好多野都唔一次過交代俾觀眾聽, 係慢慢咁滲少少線索、證據，等觀眾好期待之後女/男主角會唔會解釋番俾佢地知
個女主角我又好鍾意


去到後尾, 劇情完撚全失控, 可能係導演想用女主角嘅角度, 專登好多野都唔解釋, 令我地同樣唔知出面嘅世界係佢地住地窖果唔知幾多日入面發生過咩事

我見IMDB有7.7分, 坦白講頭八十幾分鐘黎計我會俾8分, 但係基於我好唔鍾意佢專登唔解釋D怪獸點黎, 呢一點令我對呢部電影扣左好多分

評分 6/10