先講下背景先啦 話說啦個時日本有四樣野係值得大家留意既

第一樣就係日本係信奉神道教 姐係信好日本神話入面好多既神 同埋信日本本土係由啲神生出黎既 所以成日都聽到啲日本人話自己叫神國 而天皇就係天照大神既後代 哩個信仰係個時根深締固 亦都俾左天皇一個好神聖既地位

第二樣就係日本個時並唔係中央集權 而係由好多唔同既地方豪族聯合而成 姐係個陣時既天皇都唔係好有實權

第三樣就係個時日本有好多大陸黎既新移民(渡來人) 佢地經朝鮮半島黎 帶埋啲技術同人才 令日本既科技可以開始跟上所謂中原地區

第四樣就係個時韓狗正值三國時代 而面對越黎越勁既新羅 百濟就冇辦法唯有求關係幾好既日本軍事支援佢地 成為左貢國 同時好多中原文化都係由百濟傳入日本 包括下面會講到既佛教 而日本打完韓狗之後 都係朝鮮半島上面留左個殖民地叫任那府


話說日本個時在位天皇係欽明天皇 咁百濟作為朝貢國 一直都會係咁送啲野俾日本 例如中原經典 絲綢之類 但有一日唔知發左咩癲 走去送舊佛像 連埋啲佛經俾日本 話哩個佛法"能生無量無邊福徳果報" 欽明天皇就嚇到瀨屎 話咁正既野 我出世到而家都係第一次聽 又見到個佛像咁靚 唔知點算好 之後就問啲朝臣點睇啦

係哩個時侯 兩大主角就出黎啦 物部氏(本土派) 同埋 蘇我氏(親中派) 佢地既恩怨會連續到下一代 對日本歷史既影響都幾大下
佢地都係兩大地方豪族 係政壇既地方舉足輕重 物部氏就親本土文化 好憎新移民 信奉神道教 蘇我氏就比較親中原文化 好歡迎新移民 甚至係俾啲新移民係自己塊地度住
當時物部氏從政既人物就係物部尾與 而蘇我氏就係蘇我稻目

物部尾與

咁物部作為本土派既中堅分子 見到哩啲新移民既文化 就梗係唔中意啦
佢就咁話 日本作為神國 一直都係拜緊個幾十萬個神 突然間拜哩啲鬼佬野 佢地一直會好嬲 好嬲之後會點 唔講到咁白啦(我國家之王天下者。恒以天地社稷百八十神。春夏秋冬祭拜爲事。方今改拜蕃神。恐致國神之怒。)
佢咁樣表明左佢立場 排斥佛教

但係蘇我哩個親中派 見到哩啲文化野 就出晒水
佢就咁話 中原咁多個大國都信奉哩樣野 我地日本點可以唔信?(西蕃諸國一皆禮之。豐秋日本豈獨背也。)

個天皇聽完佢地講野 心諗哩兩條友做乜鳩 但又唔知點算好
見啊蘇我咁識貨 咪當益下佢 俾個佛像佢 叫佢拜下睇下點 蘇我即刻開心到喊晒口咁謝主隆恩