上個月中，我發現貓大人黃疸又唔食野，就帶左佢去太平道睇醫生。原本4.3kg既佢瘦到得番3.16kg，醫生幫佢檢血/照超聲波/照x-ray，之後同我講佢有肝炎，搞到附近 d 器官都發炎，要即時入院...

如是者，貓大人住左3日院，但佢太想出籠同埋活躍得黎又唔食野，每日三次探病時間又係咁哎 d 人，我覺得佢跟本休息唔到，所以接左佢番屋企照顧，用針筒自己餵佢食野...佢一番到屋企真係累到訓左好耐…
呢段時間我地繼續覆診，不過大人始終無咩好轉，有時仲要飄飄吓咁...所以係四月我就轉左貓醫院既醫生

貓醫院既醫生睇完太平道既檢血報告之後同我講，因為肝炎既果d指數正常，所以佢覺得貓大人唔係肝炎而係脂肪肝……係呢個時候，貓大人已經只有2.7kg
貓醫院既醫生幫貓大人輸血同埋插胃喉，之後我就接番佢番屋企禁室培育。每日餵４次野食，早晚餵藥。有左條胃喉之後，餵食真係有效率同優雅好多～尋日開始，大人已經開始自己飲水。

而家已經禁室培育左９日，明明大人每日都食緊肥仔餐，只係有一兩次餵得太多而嘔番一部份…不過大人嘅體重一直保持係2.7kg?!

心急嘅奴才好想參考大家既意見，有無巴絲隻貓貓試過有脂肪肝可以分享吓經驗？