睇完之後有感而發
想同未睇嘅人講幾句
喺之前先略略講下成個故事
簡單嚟講就係

一個原本黐線嘅妹妹仔，下稱妹妹1號
被俄軍捉咗去做雞，被軍佬強姦變返正常
之後唔知咩事被人救走，去到一個正常到黐線嘅地生活
重喺呢到識咗兩個好百合同伴
喺到生活一排，發覺自己係普通正常，同其他人唔同，開始頂唔順呢班正常到黐線嘅人
諗住自殺一了百了
但就咁死好可惜
而咁啱身邊有兩個百合同伴，於是佢靈機一觸
就諗不如帶佢哋一齊，死都有個伴呀嘛

只可惜佢哋三個都死唔去
妹妹1號畀人帶走咗去做實驗
而妹妹2號同3號就無死到

經過實驗妹妹1號竟然變返黐線，重得到無比力量，成為大魔王
是但講兩句嘢就可以嚇死一大班人
而妹妹2號就係我哋嘅主角
佢成為男主角
啊唔係
係成為咗國際紀律部隊嘅高級調查人員
至於妹妹3號就變咗個好快死嘅路人囡囡
雖然佢一直都係路人

咁經13年後
大魔王嚇死咗路人囡囡
而男主角
啊唔係
係國際紀律部隊嘅高級調查人員，亦即係妹妹2號
好快就洞識到係大魔王所為
馬上就展開調查
途中嗰啲行行企企啊、自己同自己傾偈呀
搵自己老竇重害死埋佢呀
成日着住底衫褲瞓喺床到呀
不斷回想佢同大魔王昔日嘅百合情懷等等，之類嘅瑣碎事我就唔多講喇
總之佢幾經波折……其實都無乜波折
終於搵到佢嘅舊情人
啊唔係
係大魔王先啱
大魔王就同男主角啊唔係，應該係話同妹妹2號講︰
「我要你班正常到黐線嘅仆街，都要變到同我一樣咁黐線。」
其實佢無講粗口，係自己我加上去啫

咁男主角唔忍心見到自己條女黐線
就一槍打瓜佢喇
之後成個世畀 大部份人都黐晒線
喺得少數人可以避過一劫
全劇終

睇完真係搞到我都黐黐地線
好在臨尾聽到Egoist嘅歌令我恢復正常
所以我打篇文出嚟提醒各位
以免睇完之後唔會誤入歧途
講完