是咁的 今日搭車 百無聊賴咁望出窗外
都唔知望到D乜 忽然開始諗起
「乜野叫做成熟？」

所謂既成熟…

小學時候既所謂成熟 就係知好多同輩都唔知既知識
睇下新聞 知道D扮深奧既野 就好易比人話成熟
不過即管升到中學 根本無人會理你知D乜 只會覺得你聰明 唔係成熟

中學時候既所謂成熟 就係已經開始思考緊自己將來既路
如果能夠清晰明確咁 講出自己未來既計劃 就好易比人話成熟
不過即管升到大學 根本無人會理你之後做乜
因為見步行步都係一種生存模式 只會覺得你比較緊張自己 而唔係成熟

大學時候既所謂成熟 已經唔係講緊你知幾多冷知識 張來有咩打算
行出黎Present自己 待人接物 處事態度 先係被定義為成熟既因素
不過即管踏入社會 根本無法討好任何人
處事圓滑 交際應酬了得係你既才能 而唔係你既成熟

所謂既成熟 隨住年紀長大 存在既環境不斷改變
根本無一個確確實實既定義可言

踏入社會時候既所謂成熟 就係能夠輕易分界出 公事 同私人感情
我唔認為張自己既原則放棄 妥協就叫做成熟
不過有d人返工鍾意玩性格 發脾氣 做埋d on9野至少呢種唔係成熟既表現
一係就做 一係就炒老細咪撚做 就係咁簡單

咁究竟過左咁耐 自己有冇成熟到
定仲係比人覺得好幼稚既感覺……

我唔知 ......

我剩係知馬體會贏左哥迪狗 好波！