其實都差啲唔記得
不過見到出面有個叫返校嘅遊戲post先醒返起

個網頁解謎遊戲有個故事
大概係講述主角一班人(定係同女朋友...已經唔係幾得 )因為母校荒廢就執所以決定重返母校
當然入到去就因為啲古怪靈異嘅事失散咗
而喺主角搵女朋友嘅途中遇返啲識得嘅人 校長啊 老師啊 唔係癲咗就係死咗咁
佢地都會阻住或者殺主角 而主角一路搵嘅途中亦會發現成件事係一個「儀式」
當佢上到天台見到女朋友時 個女朋友亦俾人推落樓...
個故事大概差唔多係咁

我對依個遊戲咁有印象係因為間母校幅圖真係一間香港荒廢咗嘅學校 仲要係我親眼見過
而且嗰時有香港嘅網頁解謎遊戲真係好少見
我玩完第1次之後 每次隔一陣上去 個網頁都會有更新 俾你選擇一啲新路線玩去完整個故仔
但再隔一陣個網就執咗
我知我應該玩唔返 但都希望搵到同我一樣玩過嘅巴打 等個遊戲唔好喺網路之間消逝...