公司方針,每年DSE考完試都會請少量新人(男女不拘)今年請到3女1男做接線生助理.

有新人入職自然公司會活力一啲(對舊員工嚟講有多一個機會將錯失瀉比新人,佢地最like.)

先講講男新人…是其是非其非…四個字入世未深…愚笨型.
三條囡…一個四眼妹普通樣兩個靚靚mk妹(Twice周子瑜同大埔lulu咁嘅樣).(秘書姐姐話估唔到佢地咁快就咁老練,即係指佢地好快適應辦公室政治文化.)

作為小上司見有小員工入職,例牌每個禮拜都萬歲兩三次方便自己下屬收佢地風.

問題嚟喇…因為今年有兩個靚師妹導致下屬一窩蜂日日圍住佢地轉,淨返冇咁靚既乖乖四眼妹成為磨心.班厹成日借啲意問四眼妹索兩條靚囡料搞到佢好煩,影響工作進度.講真本高見到兩個靚女日日小背心短裙仔點都會起痰,不過為咗平衡公司氣氛我只好多關心普通樣四眼妹…

以為平衡三國…點知開始失控了‼

我嘅方針原來無辦法平衡兩個靚囡嘅妒忌心,兩條囡短短一個月收晒成班(男)下屬做兵,點解最豪爽最有智(即係我?)嘅上司會take care多啲四眼妹而忽略佢地.

本來公司冷氣都幾凍,唔知幾時開始兩個o靚妹只係穿小背心除咗件冷衫入嚟我房問我嘢.(係班舊員工話返我知) 好衰唔衰本高每日上班做到釣魚流口水比佢地笑(唔知有冇偷拍添)

本來以為後生囝囡嘻嘻哈哈食下豆腐冇乜大不了,點知隔離組秘書姐姐已經whatapps本高要我小心啲處理三個新人.原因係佢地嗰department啲男仔都比兩個靚女搞到頭擰擰,仲係lady talk中透露點解(樂高sir)咁偏心四眼妹,秘書姐姐話你地呢排落架步(pub)飲嘢佢地有冇跟落嚟?我話…早前無乜依家就次次都join,四眼妹都有落.

秘書姐姐話小心中招…我話：咪傻啦!一定唔會.佢話：你咁講就死得喇!我問：why?佢話：你知唔知你嘅好客懶gentleman搞出辦公室三角戀,兩條囡收唔到終極大佬兵固然氣憤,你對四眼妹關懷亦導致佢誤會,三條囡係辦工室內日日各施各法博贏你歡心,仲要成班厹諗住有機食o靚妹,唔論你食唔食好拖落去棧出事.

秘書姐姐話：你好快啲拆掂佢,唔得嘅話先嚟問我地.






利申：好想睇到三個囡囡日日著住小背心短裙係office四圍走,但係影響員工氣氛又真係講唔過…對公司其他女職員嚟講(女新人嘅進取係嚴重威脅嚟。 [/size=2]