是咁的，話說有一日一對情侶去咗日本旅行，男朋友喺酒店房就叫女朋友煲個水，於是個電熱水壺就溶咗喇，因為佢將個電熱水壺就咁放咗喺個煤氣爐上面用明火燒呀，咩喎，突然間叫人煲水人哋點識啫！而家個煲溶咗喇，唔制呀一日最衰都係你呀！！！



好啦我哋close up睇下個電熱水壺嘅傷勢，除咗RIP都唔知講咩好，不過燒到溶晒都冇爆炸，安全級數日本嘢果然係樹哥兒～



不過毛毛都係勸佢哋千祈唔好去強國旅行，咁樣燒法分分鐘個熱水壺連埋煤氣爐同廚房盞燈張床同被舖成間房一齊爆炸呀。

煲水呢樣嘢難度又真係高啲嘅，不過香港嘅妹豬係唔會放棄對煮食大膽而創新嘅嘗試～ 睇返啲經典之作吖，例如難度再高啲嘅公仔麵，係成個放落去乾炒㗎～



圖片來源：Ken Lok

仲有之前紅極一時嘅呢味蕃茄炒蛋，雖然煮法係特別咗啲，不過應該係食得嘅。



所以各位想挑戰廚藝嘅豬妹，都係玩還玩，玩返食材好喇，唔好玩電器呀，唔係日本造的真係好爆炸㗎！

http://www.tvmost.com.hk/201605291700_article_burn