【on.cc東網專訊】 曾經因擅闖軍營被捕，前「香港人優先」成員招顯聰(Billy)消聲匿跡近半年，近日突然蒲頭，更換了新形象，無再戴眼鏡，亦唔再舉港英旗。Billy稱，他正組織新政黨「香港復英獨立聯盟」(英獨聯)，計劃在6月中舉行成立記者會，目前有30個成員。他批評，近日成立的香港民族黨、本土民主前線並非真獨派，認為英獨聯的成立可以給真香港人一個選擇。

Billy稱，閉關半年主力以寫文章的方式宣傳其政治理念，因而減少出現在抗爭場合，而文章主要在本土派以及台灣的網站發表。他不排除以後會有其他抗爭為政黨打響名號，但不會以同一方式再闖軍營，「如果唔係同支聯會無分別」。

Billy批評，近日成立的本土組織如香港民族黨、本民前都並非真獨派。他認為民族黨與英獨聯的理念相近，可惜民族黨支持保留華夏史觀，違反香港脫離中國的建國精神，而本民前並非支持有香港人血統的人才有投票權，非真獨派。Billy仲直斥，「就係因為梁天琦(本民前發言人)唔係香港出世先唔敢講，我梗係香港出世喇」Billy咁勇武，一場本土派與獨派大戰看來一觸即發！

--------------------

唔怪得之聚言成日見佢D文