| 發表文章 | 發起投票 |
[The Manifesto of Glorious Revolution] 《光榮革命宣言》
[The Manifesto of Glorious Revolution] 《光榮革命宣言》[/size=6][/b]
前言
2013年中旬，幾個對客貨車行業一竅不通，不斷強調自己係「黃毛小子」嘅後生仔，憑藉傳媒加持，以「學王維基」「打破行業壟斷」作為號召，創立Gogovan (高高客貨車)，承諾為司機爭取更大利益，三年間，的確徹底顛覆咗香港客貨車行業生態。但與此同時，換嚟嘅係由阿里巴巴牽頭嘅國際財團注資入股，以補貼方式趕絕舊有對手，壟斷市場，再以「比的士更平」嘅路程價錢作為招徠，催谷訂單數量，前線司機經營苦不堪言，行業一再陷入「價低者得」嘅困局，毫無誘因改善服務質素。
直到今日，行業龍頭Gogovan終於開始抽佣收費 (以點數形式購買，稱為Go幣)，司機肉隨砧板上，以全職客貨車司機嚟講，估計每個月要繳交高達2500蚊嘅G點先可以換取足以求存嘅訂單數量，而未有Gogo嘅時候，入台司機交緊大約1000蚊月費。
可悲地，呢個先甜後苦嘅營運再壟斷模式亦可以話係香港以至全球整個經濟結構嘅一面鏡，公共事業如是，冚家Link如是，更莫論毫無約制嘅地產政策令到所有成本高企，作為無權力者，可以做嘅可以話係零。
(三年前Gogo講過啲乜，請自行Google 「花20萬創app 向call台大佬挑機」)
當前困局
迫使落台？ABG (Anything but Gogo)？ 只係另一個壟斷所取代。無懸念地，假如今晚再得各位錯愛，一面倒支持「打倒壟斷、打倒財團」嘅CALL4VAN。不出半年，C4V又只會為咗保持收入，唔願意調整服務價錢，用大量條款去規範司機，又純粹用KPI去衡量呢盤生意係咪成功，結果呢？咪又係等於之前嘅勁達 (曾經以出名對司機刻薄但又勁多柯打)，同埋今日嘅Gogo，如此落去，可以想像到，原本凝聚到嘅司機力量，他朝都會因為各自利益而爭拗，都會變成散沙，如是者，C4V又有何分別。
儘管我係一個得罪人多稱呼人少嘅仆街，但最少我可以stand by my value，話自己擇善固執，都唔想做一隻臭名遠播嘅過街老鼠 (call車仲要比多廿蚊)。所以我決定做一件香港未有人做過嘅事...
光榮革命歷史
光榮革命 (Glorious Revolution) 發生於1688年嘅英國，當其時James II被逼退位，國會宣布William III同Mary II為君主，同時辦法《權利法案》，其中比較重要嘅內容如下：
國王不得干涉法律；
和平時期未經議會同意國王不得維持常備軍；
沒有議會同意，國王不得徵稅；
人民有向國王請願的權利；
人民有配帶武器以用以自衛的權利；
人民有選舉議會議員的權利；
國王不得干涉議會的言論自由；
人民有不遭受殘酷與非常懲罰的自由；
人民有在未審判的情況下不被課罰金的自由。
簡單講，君主唔再係至高無上，國會「接管」咗部分權力，公民權亦因此萌生。因為整個奪權過程並冇流血，故稱「光榮革命」。
貨van版嘅光榮革命
參照歷史上嘅Glorious Revolution，我期望CALL4VAN只係名義上嘅貨van app品牌，一個架構、一個平台。運作上將權力同義務給予司機，而真正提供服務嘅司機做返主導。營運上，C4V以3000位優質前線司機為目標，當中有以地域、服務種類、車型分成唔同隊伍，亦邀請現有車隊加盟。
只有小型車隊嘅方式招攬客戶，先令到司機知道好大機會做返呢個客，又知道要靠好服務先可以留住客戶，從而客先會畀一個較高嘅價錢去再搵呢隊車，最終提升業界服務質素同形象。
財政上，我認為C4V只係向司機收取每月100蚊嘅費用，假如不幸有3000司機加盟，就已經有每月30萬作為日常營運開支，支付薪金、開發更多服務同抽更多嘅水。之於宣傳同補貼，抱歉，我唔覺得做實事嘅平台需要洗冤枉錢，因為最好嘅宣傳就係前線司機自己。
假使C4V真係變成另一壟斷大台，因為各自嘅車隊係擁有自身客源同獨立自主，絕對有權離開C4V平台，獨立出嚟而唔影響運作。邦聯(外在車隊)同聯邦(內在車隊)並存，司機可以透過同一個接單app去接取C4V平台入面所有嘅訂單。
要給予小型車隊呢個自主性，一眾司機先有信心同有heart加入C4V，先真正想長做長有。而我更加唔會同司機講「首先你係C4V嘅人」，你要走要留，我都接受。
今晚呢個manifesto，係CALL4VAN對客貨車業界嘅回應，亦係對香港政治、整個經濟模式改變嘅一個期盼，我哋唔係要重蹈覆轍，而係要顛覆制度。
光榮革命尚未成功，希望各位同志努力。
https://www.facebook.com/IDS.CALL4VAN/photos/a.556757471079156.1073741828.244476908973882/1061376440617254/?type=3&theater;
前言
2013年中旬，幾個對客貨車行業一竅不通，不斷強調自己係「黃毛小子」嘅後生仔，憑藉傳媒加持，以「學王維基」「打破行業壟斷」作為號召，創立Gogovan (高高客貨車)，承諾為司機爭取更大利益，三年間，的確徹底顛覆咗香港客貨車行業生態。但與此同時，換嚟嘅係由阿里巴巴牽頭嘅國際財團注資入股，以補貼方式趕絕舊有對手，壟斷市場，再以「比的士更平」嘅路程價錢作為招徠，催谷訂單數量，前線司機經營苦不堪言，行業一再陷入「價低者得」嘅困局，毫無誘因改善服務質素。
直到今日，行業龍頭Gogovan終於開始抽佣收費 (以點數形式購買，稱為Go幣)，司機肉隨砧板上，以全職客貨車司機嚟講，估計每個月要繳交高達2500蚊嘅G點先可以換取足以求存嘅訂單數量，而未有Gogo嘅時候，入台司機交緊大約1000蚊月費。
可悲地，呢個先甜後苦嘅營運再壟斷模式亦可以話係香港以至全球整個經濟結構嘅一面鏡，公共事業如是，冚家Link如是，更莫論毫無約制嘅地產政策令到所有成本高企，作為無權力者，可以做嘅可以話係零。
(三年前Gogo講過啲乜，請自行Google 「花20萬創app 向call台大佬挑機」)
當前困局
迫使落台？ABG (Anything but Gogo)？ 只係另一個壟斷所取代。無懸念地，假如今晚再得各位錯愛，一面倒支持「打倒壟斷、打倒財團」嘅CALL4VAN。不出半年，C4V又只會為咗保持收入，唔願意調整服務價錢，用大量條款去規範司機，又純粹用KPI去衡量呢盤生意係咪成功，結果呢？咪又係等於之前嘅勁達 (曾經以出名對司機刻薄但又勁多柯打)，同埋今日嘅Gogo，如此落去，可以想像到，原本凝聚到嘅司機力量，他朝都會因為各自利益而爭拗，都會變成散沙，如是者，C4V又有何分別。
儘管我係一個得罪人多稱呼人少嘅仆街，但最少我可以stand by my value，話自己擇善固執，都唔想做一隻臭名遠播嘅過街老鼠 (call車仲要比多廿蚊)。所以我決定做一件香港未有人做過嘅事...
光榮革命歷史
光榮革命 (Glorious Revolution) 發生於1688年嘅英國，當其時James II被逼退位，國會宣布William III同Mary II為君主，同時辦法《權利法案》，其中比較重要嘅內容如下：
國王不得干涉法律；
和平時期未經議會同意國王不得維持常備軍；
沒有議會同意，國王不得徵稅；
人民有向國王請願的權利；
人民有配帶武器以用以自衛的權利；
人民有選舉議會議員的權利；
國王不得干涉議會的言論自由；
人民有不遭受殘酷與非常懲罰的自由；
人民有在未審判的情況下不被課罰金的自由。
簡單講，君主唔再係至高無上，國會「接管」咗部分權力，公民權亦因此萌生。因為整個奪權過程並冇流血，故稱「光榮革命」。
貨van版嘅光榮革命
參照歷史上嘅Glorious Revolution，我期望CALL4VAN只係名義上嘅貨van app品牌，一個架構、一個平台。運作上將權力同義務給予司機，而真正提供服務嘅司機做返主導。營運上，C4V以3000位優質前線司機為目標，當中有以地域、服務種類、車型分成唔同隊伍，亦邀請現有車隊加盟。
只有小型車隊嘅方式招攬客戶，先令到司機知道好大機會做返呢個客，又知道要靠好服務先可以留住客戶，從而客先會畀一個較高嘅價錢去再搵呢隊車，最終提升業界服務質素同形象。
財政上，我認為C4V只係向司機收取每月100蚊嘅費用，假如不幸有3000司機加盟，就已經有每月30萬作為日常營運開支，支付薪金、開發更多服務同抽更多嘅水。之於宣傳同補貼，抱歉，我唔覺得做實事嘅平台需要洗冤枉錢，因為最好嘅宣傳就係前線司機自己。
假使C4V真係變成另一壟斷大台，因為各自嘅車隊係擁有自身客源同獨立自主，絕對有權離開C4V平台，獨立出嚟而唔影響運作。邦聯(外在車隊)同聯邦(內在車隊)並存，司機可以透過同一個接單app去接取C4V平台入面所有嘅訂單。
要給予小型車隊呢個自主性，一眾司機先有信心同有heart加入C4V，先真正想長做長有。而我更加唔會同司機講「首先你係C4V嘅人」，你要走要留，我都接受。
今晚呢個manifesto，係CALL4VAN對客貨車業界嘅回應，亦係對香港政治、整個經濟模式改變嘅一個期盼，我哋唔係要重蹈覆轍，而係要顛覆制度。
光榮革命尚未成功，希望各位同志努力。
https://www.facebook.com/IDS.CALL4VAN/photos/a.556757471079156.1073741828.244476908973882/1061376440617254/?type=3&theater;
2
0本貼文共有 0 個回覆
此貼文已鎖，將不接受回覆
| 發表文章 | 發起投票 |