============================第一章：選角============================


我望向電腦桌面，時鐘上面既秒針正慢慢咁移動。

「三點幾啦原來…」我伸手捽一捽開始有啲模糊既雙眼，再重新打開「英雄聯盟」既畫面。

無錯，每逄父母係星期六日番大陸既時候，我都會通宵達旦咁打機。

或者你會問我點解咁戇尻要係專注力最差既半夜先黎打LOL？

原因好簡單，相信有玩過LOL既玩家都知到左週末就會有大量累機既玩家出現…

為免比呢班一放假就出黎報復社會既隊友搞到我輸，我毅然決定係半夜時分先黎打LOL。

嗯…就係咁簡單。

而一直都堅持住呢個信念既我，結果係呢一晚連輸左兩埸Ranking。

我望住自己係「聯盟」入面既排名，不禁搖頭嘆息。

「如果我可以自己打哂五個位，實無得輸架…係咪先？如果唔係啲隊友廢…」無數個如果加上不設實際既諗法已經不停咁自我安慰左無數次。

心灰意冷既我決定先開一埸自訂對戰，當係調整一下自己既心情同埋手感 。

我只係一打開自訂對戰既列表，其中一個自訂對戰房既房名就已經深深吸引住我。

「死亡遊戲，非誠勿擾。」

人既好奇心的確好奇怪，好多時越係叫你唔好試既野，人就會越想去試。

咁毒撚都係人黎既，我最後緊係忍唔住禁左入去啦。

「下？」

呢個真係LOL黎架？

等候室入面竟然有多達一百一十一個空位！

就係我仍然未反應過黎既時候，百餘個空位已經坐無虛席。

「嗚嗚」係一聲耳熟能詳既號角聲伴隨之下，畫面瞬間變做選角介面。

逆命、慎、阿姆姆、墨菲特同布里茲呢啲比較熱門既ban英果然好快就比人揀哂。

當我仲猶豫緊用邊隻英既時候，甚至連提摩都已經比人揀埋。

「唔撚係啊話！提摩都有人揀？」

情急之下既我，原來已經禁左「隨機選擇」。

幫你推推

快入正題

其實篇效一早打好哂但要時間汁汁佢
係高登睇過既巴打不妨揮下手

推文

推呀！！！