難得放假無無聊聊
突然心血來潮想落大檔玩下啤牌啦
晨咁早梳撚定個三七分界頭
無視廿幾三十度天氣照披件皮草上身
袋定盒朱古力戴撚埋幅黑超
淨係個造型已經夠殺

本身入到場都係周圍望下有咩玩咁
走埋去買下圍骰熱身
玩玩下突然聽到大會宣佈話咩有慈善啤王大賽
咁我本身都帶咗喼錢去
再加埋頭先贏咗少少
咁就報名參加咗

啤王大賽照舊玩話事啤
身為香港人實識玩架啦
開頭我都唔急攻
靚牌就跟下...唔靚就fold咗佢
照正路咁玩...贏少少咁

點知到有一局
一開頭派咗pair吸手J畀我
如果大家有玩開啤牌都知
咁既牌冇理由唔撚話事
現實中根本冇咩可能成日有咩三條呀俘虜呀同花順呀
嗰啲係電影呃鳩人架姐
根本你有two pair都已經贏撚硬架啦
咁我揸住pair吸手J
直情望都廢撚事望其他人咩牌啦
我一手推撚哂左邊棟泥碼出去
"100蚊"

點知對面嗰條屎忽鬼真係串過馬撚
佢好撚不屑咁笑一笑
然後講咗句：「挑！漬仔你就收嗲啦！大你500蚊呀！」
其他人即刻淆撚哂底全部冚牌

我望一望佢牌面
條契弟原來係煙士面
唔怪得咁撚串
但我今日咁旺「沒有理由不跟！」
陣間摸多隻 J返嚟食鳩住你pair吸手煙

咁個荷繼續派牌啦
跌隻6仔出嚟
屌...人地對面係隻Q
又係對面話事
佢今次嗌500蚊
冇計啦洗濕咗個頭...唯有焗跟
不過唔緊要...始終有pair J喺手
第四隻牌派好啲就冇問題

點撚知....
仆街！第四隻牌係隻4仔
好彩對面仲戇鳩跌隻3仔出嚟
今舖我話事
我決定用氣勢拋窒佢
show hand!
我將身上既衫褲鞋襪朱古力呀地通拿呀公屋買賣合約呀
統統掟撚哂上檯
點知條傻鳩又真係跟我
除撚哂啲衫褲掟撚哂上檯
我見佢咁有信心
都知佢一撚定係pair煙
冇問題...我就用最後一隻牌贏鳩你

最後一張牌
好撚緊張呀...梗係要捽捽佢啦
旁邊啲人都幫我搖旗吶喊
係咁嗌「漬仔！漬仔！漬仔！」
我輕輕揭起牌邊
「有邊！」
一打開點撚知係隻K
唉...仆你個街即係得pair J
對面即刻笑鳩我
「開嚟見我啦！漬仔同六四咁撚柒仲要學人哂冷！」
然後佢仲要開撚埋牌
屌！pair Q！
原來人地已經夠撚哂柒
點知都唔夠漬仔同六四柒

我就咁樣輸撚到連底褲都除埋
頭耷耷咁行出場
條撚樣仲要指住我嚟笑
「唔好話我唔教精你啦
你犯咗賭仔大忌呀
漬仔已經柒架啦
再搭埋六四就真係柒到極限
呢啲牌冇理由同人哂冷架」

跟手佢仲不停同側邊啲人一路笑一路講
「如果我係漬仔六四我就深潛啦...仲出嚟獻醜...柒撚到 」

我聽完之後紅都面撚哂
一個嬲嬲地，好大聲講咗句
「又唔係聖人...柒就好正常」
都總算攞返個尾彩