「等埋我呀Dickson bb。」Catherine用佢把八婆聲大叫，叫到全層樓都聽到。呢一對係最新出爐既情侶，外界都冇人估到佢地會埋得到欄，但既然已經米已成坎咁就緊係開下盤睇下幾時散、食下花生啦。Dickson平時講野大大聲、樣唔係靚仔但身高就有成185cm；聽聞班房講野大大聲既男仔多數都係為左得到一個女仔既歡心先會咁做，最終呢d滾到就爛既方法又竟然會work。Dickson其次做得最多既事就係搶女同學既野，之後憑佢既身高優勢擺佢地上咪箱：筆袋、冷衫、書……總之就係成日玩女同學；Catherine通常就唔理佢，係個位到繼續做自己野，一係就跟住Dickson一齊大笑，笑得好誇張；但係從佢既眼中可以睇得出佢其實係扮笑居多，扮出黎既笑同由心而發既笑我又點會分唔到？