06 - 18 05:00明報
【明報專訊】網上高登討論區最近有幾百名會員突被刪除會員帳號，高登發聲明，話此舉係依照法律意見而行，原因係過去有啲內容曾令部分會員及該網站入罪，因此要清除相關內容及停用相關帳戶。
不過，此舉引起網民不滿，近日有高登網民發動網友過檔「香港膠登討論區」。呢個「膠登」討論區其實並非全新網站，只係停用咗一段時間，到上周五重開。Emily噚日所見，[#ff0011]唔少過檔網友慶祝會員突破3500，希望建立一個新高登，抵制高登「箝制言論自由」咁話。有「巴打」仲發起募捐，準備周四登報宣揚新高登。至於成唔成氣候，仲待觀察，不過高登失去咗一班忠實會員，都咪話無影響。[/#ff0011]