分子雪糕店Lab Made在一年內怒關六間分店，創辦人鄭康宏（Ronnie）向本報表示原來曾經中過伏，被「上市黨」騙財，令公司出現財困：「話想幫你上市，氹你開好多分店，呃你去上海開舖，呃埋你裝修錢，損失七位數字。」

Ronnie透露過去一年連續關了五間分店，另一間分店亦會在下月結業，當中除了因為蝕錢，更因為被「上市檔」騙財；在14年間，有投資者入股Lab Made，並對他指可以幫助Lab Made上市，他憶述指：「當初嗰班上市黨同我講，話可以執靚盤數，要開多啲分店先至可以上市。咁佢哋就入股形式啦，之後就焗Lab Made開好多間分店，但佢哋就話介紹啲裝修公司俾間舖用，點知就收貴市價幾成，先賺你一筆。」



其後Lab Made於14年在荃灣、淺水灣、銅鑼灣、屯門及將軍澳連開五間分店，但其中淺水灣、銅鑼灣、屯門及將軍澳分店在去年底相繼結業，而荃灣店亦在今年5月低結業，同時在上海開分店計劃亦告泡湯，Ronnie透露公司上市不成，更反被「上市黨」要求回購其股份：「我要用錢買返佢哋啲股份，夾夾埋埋損手七位數字。」

他表示今次被騙，自己也有責任：「自己初初出嚟做生意，太過相信人所以中計，佢哋手法係好專業，而且有背景，我都唔敢追究，只能夠叫自己下次小心啲。」他表示，遇上市況低迷加上被騙財雙重打擊，但會留守大坑總店：「唔會咁快認輸，堅持到最後先，而家開始會轉型。」



其實「上市黨」以造靚盤數及上市為名，找創業者初哥埋手已非首次，並專向食肆或食品零售商入手，有經營高級食材及到會服務的東主向記者透露，曾有投資者以「上市」方式吸引想投資入股：「嗰時見到報紙雜誌搵我做訪問，有少少名氣，就想投資落我公司，但本身我已經開咗幾間分店，佢話入股後要開超過十間，但我覺得個市冇以前咁旺，而且佢要求開分店後有話事權，我覺得唔合理所以推咗，事後有前輩教路，話呢啲係氹你借錢擴充嘅，想呃你啲錢。」

其實由一間食肆變成上市公司的例子並不常見，要數最成功的便是翠華（1314）這隻茶餐廳股份，但其發展時間甚長，首間分店在1967年成立，其後主席李遠康由外賣仔做起，在89年接手蔡創波成立的翠華，經過23年發展，在12年成功上市。
記者：陳新政

http://hk.apple.nextmedia.com/realtime/finance/20160615/55226718




回一回帶先，之前重"冷撚醒"咁教路


記者找來現有八間分店的雪糕專門店 Lab Made老闆 Ronnie，他認為奶昔生意並非只是季節問題，鋪位地點、毛利及定價也大有改善空間。


新仔$70萬賣奶昔　兩個月來蝕近四萬 每月還政府五千元
http://hkgalden.com/view/233182

Suki冬天開業生意差，期望到夏天生意會好轉，惟夏天一過隨即結業。

上年二月，訪問灣仔道澳洲奶昔專門店 Yo Yo Shake的老闆 Suki，借家人錢開業的她指，開業兩個月來已蝕近四萬。分子雪糕店老闆 Ronnie向她建議縮細分量，一來香港人胃口細，二來可以減價， Suki已照跟，不過直至去年八月始終捱不住結業。記者致電 Suki了解結業原因，她只回答一句就匆忙掛線：「因為頂唔住租金呀。」記者再以短訊追問結業原因、現時工作、要努力賺錢還給家人嗎？她只回覆：「產品唔受歡迎，其他問題唔答。」 Suki解釋的死因夠直接，希望她吸取教訓再戰江湖。

http://hkgalden.com/view/326855



其實呢間野D雪糕得唔得 曾經想試佢既海鹽雪糕叫做平平地有得試，不過遇唔岩時間食唔到