首先大家唔好屌住先，林榮基先生記者會多番強調係有曬導演劇本，背後係俾人操控，咁李波都係一樣嘅啫係咪？所以冷靜唔好屌曬鬼先。
其次共匪最叻就係用要脅屋企人嘅性命嚟強迫人做嘢。技倆來來去去都無此地無銀，一直返港都低調到仆街，連FB都停咗幾個月，而家個時間咁巧合就有篇咁嘅文up咗出嚟？答案呼之欲出啦！
第三喺共匪開開心心慶上海滴屎泥開幕就無啦啦爆單咁嘅嘢助慶，一定加強對其他四個嘅脅迫，比往時嘅手段一定更強硬，據立場其中一篇新聞，喺今年三月李波個仔已經俾共匪捉咗上去話醫病，實際係做人質，大家都明啦。換句話個仔喺佢手上。用咩方法迫李波就範，都知咩事。共匪無咩做唔出。
第四如果到今時今日呢一刻都可以有人仲信共匪捏造而拍出嚟嘅劇本嘅話，咁我真係無話可說。佢哋目的就係想透過不斷抹黑嚟令蠢人去質疑真相，以便佢哋可以繼續為所欲為。
最後原來自己真係好孤獨。係呀我都係無膽出嚟爭取，我都只係夠膽喺度鳩噏下講下自啲啲愚見。發生咁大單嘢我就試下喺自己個WhatsApp group輕輕提下，換嚟嘅只係一堆嘲諷，原來我只有上嚟呢度先至搵到自己嘅竇。