政府建議批出3個優質的士專營權，新增最多600部優質的士行駛，為期4至6年，惟的士牌價隨即急跌，引起業界反彈。不少市民日前致電一電視時政節目，投訴不少的士司機服務差，甚至連墳場都不願意去，惟的士司機從業員總會會長李林昌則反駁，指墳場一帶會塞車，司機「好棹忌」，「你話唔封路，唔封路係咪代表唔塞車呢？」



女主持彭晴即以手摸頭道：「去墳場塞車？」李即回應：「會㗎！會！」彭晴再問：「佢塞車就唔去嘞？佢塞車就唔去嘅？吓嘛？」另一主持亦指塞車不只是司機不滿，乘客也要付出時間成本。


李林昌其後澄清，並非大部分司機不願意去墳場，「你上墳場好多的士司機喺度㗎，你見到㗎，吓嘛……只係少部分司機會抗拒」他又指自從業界開始轉用手機app接單，已減少很多投訴。


不過不少網民不滿李的說法，指他「上樑不正下樑歪」、「拒載犯法喎！你幾時去自首呀？」


片:
https://www.facebook.com/now.comNews/videos/1019722624784511/