【網民hot talk】TVB節目新一代媽媽 幫仔女「贏在射精前」？



不少家長都望子成龍，希望入讀著名小學及中學，讓子女「贏在起跑線」。TVB「mytv」facebook專頁日前上載一條節目《沒有起跑線？》預告短片，並加上附註「新世代媽媽而家講[#ff0011]『贏在子宮裡』同『贏在射精前』[/#ff0011]」，言論迅即引起網民熱議，直言此現象「可悲」、「真係有病」，慨嘆「家下都咁，到再下一代點搞？」

mytv上載的短片中，訪問不少新世代母親及小童，何謂「怪獸家長」，亦詢問家長會讓子女接受哪種教育。有母親直言「下一胎會畀佢早啲適應競爭心理」，亦有母親指，由於屯門有幼稚園一年只招收10名一月份出生的小童，故屯門的母親「有句精句，叫贏在射精前」，在夫妻進行性行為前，計算好「子女」將出生的月份，「計好幾時射，就喺一月生」。但預告片中亦有母親不認同此做法，認為母親的角色並非「生仔機器」，不應特意計算出生日子。

片段上載三日，已有超過2,300人讚好、「畀嘩」及「畀嬲」，亦有逾4,400次轉發及近千留言。有網民認為此節目洗腦，「點解要生出嚟受苦……價值觀扭曲哂」，亦有人直言「香港真係越來越恐怖」，認為「有個咁嘅老母注定一世失敗」。有網民亦質疑發表「贏在射精前」論的母親為演員，「係臨記定真有奇人？如果係後者我真係心都寒埋」。

【網民點睇】Kimmie Ng：我明點解咁多小朋友自殺，痴線這班媽媽，有病！

Nin Mau Man：贏在勃起前

Tammy Chu：完全係nonsense，bb唔係用嚟打仗！唔該班怪獸射精前諗清楚生出嚟係為乜！簡直不知所謂！

San San：生出來係為自己攞威，發神經

Sam Leung：完全無法理解，小朋友應該開開心心享受童年，未出世已經要諗點樣競爭，個小朋友無情緒病就怪！

Wong Class：射左就射左，生左就生左，唔好搞咁多無謂嘢啦，養兒一百歲，諗下點樣比自己下一代活得更精彩仲好，要個小朋友未出世已經學競爭？怪獸！

Li Kwok Ho：好想睇下二三十年後贏左啲咩！不如贏在受精前揀個好老公啦， 如果閣下並不是精英部隊何必生下一代呢？ 都唔知想贏啲咩？

James C C Tse：點解唔贏左投胎前？生得喺你個肚已經輸左

Hei Ng：父母嘅身教同品格至係重點！先要做好自己！

Bo Ting Lam：有病，真係好有病，做你地啲仔女真係可憐，自己嘅童年白白比呢啲阿媽嘥咗！

http://hkm.appledaily.com/detail.php?guid=55254035&category_guid=6996647&category=instant&issue=20160620