楊千嬅與老公丁子高、黃佩霞及周汶錡等圈中人，昨日到銅鑼灣出席蛋糕店開張活動，千嬅並即場示範設計朱古力千層餅。千嬅表示是在懷孕期間學識整餅，兒子Torres現在除了喜歡音樂和畫畫外，亦都喜歡整餅。問到兒子是否得到她的遺傳？千嬅笑說：「都會有，但唱歌肯定不是遺傳自我，應該是他爸爸(丁子高)，老公是『咪霸』，去參加婚宴都要上台唱一餐。」

談到無線的真人騷《沒有起跑線?》中有家長爆出一句「贏在射精前」，千嬅很驚訝說：「嘩！我明喇，所以我先生到仔（大笑）咁得人驚？呢個概念好唔啱，我覺得有啲家長要擇日開刀，為咗想小朋友同自己生肖一樣，已經好誇張，為左就個入學就咁？好明顯我唔會啦。我覺得囝囝健康、開心最重要，想他3至6歲有一個快樂童年，健康和開心，情緒質素好，學習才會好。」

千嬅計劃完成手頭上3部電影，明年才造人，能否造人成功也沒所謂，一切順其自然，「小朋友係個天俾嘅命數，我責任係後天身教，先天嘅嘢我唔強求，仔女都無所謂，順天意安排，最緊要開心健康。不過今年要拍三部電影，完成手上工作才會有家庭計劃，預計明年，都係想個仔有伴。」



另外，千嬅日前將一張跑步相放上網，被網友笑樣子似黃子華，她說：「吓！男人嚟㗎喎！不過我又不拘，面皮厚，大家都叫阿華，可不可以攞飛。」