石硤尾太子中間，名叫ABC，細細間坐位好似得20。不做夜市。
主功三文治，通粉，冇飯。基本上即叫即做，通粉都係即煮，所以上得慢。好懷念鮮茄牛通，同撈罐裝茄汁完全兩回事。通粉即煮同茶記煮定畢出來，半冷不熱嘅差別，你想像得到。
已執左5~6年，當年算比同街茶記貴三兩元，但物有所值，因為我細食，佢個份量對我來講大左少少，門口排隊又多人，幫襯得少，實在可惜。