我有一次就係喺fb撞到有個大陸人喺度講六四係啲示威者挑釁在先殺解放軍，所以中央決定鎮壓係無錯，我直覺同我講呢個擺明係共匪想從老屈返示威者轉頭以推卸責任嘅技倆嚟，所以就睇咗youtube一條六四紀錄片去搵返時序出嚟。佢睇完我寫嘅字先會質疑下共匪嘅說法，而喺搵資料說服佢嘅時候，喺google度我竟然見到有香港人係同個大陸人咁諗，仲要係幾年前，而我同個大陸人喺fb咁講嘅時候都只係今年嘅事，可想而知共匪原來一早就咁無恥喺度用呢啲咁嘅手段去屈人。

時序係：有次共匪決定派出解放軍同載有軍械嘅補給車駛去示威者個場地，示威者氣憤就搶咗佢哋架車同裝備啫係車裏面啲槍，拎出嚟話俾人聽共匪根本就想武力解決佢哋，之後無幾耐就還咗啲槍同軍備俾共匪，只係留咗架車。呢次解放軍走咗，第二日又再被共匪派班解放軍去示威場地，示威者睇得出解放軍只係聽命令㗎啫，個心無意去殺自己友，示威者就唱歌感化解放軍，有解放軍落淚，無幾耐解放軍徹退。跟住夜晚共匪無啦啦宣布要全力鎮壓示威者，示威者收到風就點燃垃圾作路障，希望阻止坦克入到示威場地。解放軍見受阻就開槍，之後就駛咗入去，示威者見到咁就燒嘢反擊搶武器，呢晚嘅事就係六四，不斷被鎮壓同反擊。