[又來長過萬里長城既 status 啦]

大家記得「佔中」時期，有500個所謂醫生聯署登廣告譴責佔中違法，話學生好似癌細胞咁呀？唔記得呢…. 我好記得，因為我做左一個 excel file，入面收集左呢班醫生既公開資料，無違法架。

我根據呢個廣告蒐集返來既資料，當然發現裡面其實有好多唔係醫生，有好多人身份並不能核實。但，我都仲有好多有用既資料….

首先，我先講今次既所謂「改革」，係由廿蚊張以私人草案提出，佢建議醫務委員會內業外人士由4名增加至8名，佢仲「毫不諱言其提案的主要目的之一，是要放寬醫生執照試，令海外醫生能來港執業行醫。」(睇呢條 link: http://m.mingpao.com/pns/dailynews/web_tc/article/20151210/s00012/1449683441545 ) 仲有，梁智仁呢條契弟仲話想將「有限度註冊」由一年延長到三年，使到海外醫生更加想來香港。

依家返來呢500個「反佔中」既人啦。

佢地當中，有39人係靠通過 LMCHK 醫務委員會執照考試而成為香港執業西醫。佢地當中有香港醫務委員會執照醫生協會既會長張漢明醫生，副會長林永佳醫生、陸慧心醫生同古學滇醫生。仲有秘書長周俊恆醫生，副秘書長倪建春醫生，常務理事吳歷山醫生、范雅賢醫生、梁兆寬醫生、陳潔霜醫生，理事朱 曄醫生、呂潔霞醫生、唐繼昇醫生、陳素中醫生、陳敬志醫生、黃耀明醫生。

另外，呢班500個「反佔中」既人都有幾個係「有限度註冊」西醫，而最出名既就係曾經治理黃霑肺癌既莫樹錦醫生，佢係中大腫瘤學教授，加拿大醫生，只能在港作有限度執業。

係我講呢班人既背景之前，先等我講講佢地「籌備改革」既事：

係2011年，東方日報就曾經報導《海外醫生執業試 院長都未必考到》。當中訪問香港醫務委員會執照醫生協會創會會長李深和。李深和醫生當時已經話執業考試過於艱深，「醫學院院長都未必考到！」，考試範圍涵蓋本地五年醫科課程的所有知識，包括內科、外科、兒科、婦產科、精神科以至醫學倫理等，「[#FF0000]醫學都分地區性，一個英國醫生可能從未見過痳疹同肺結核，但香港就常見，對佢嚟講就好難。[/#FF0000]」而現任會長、醫委會執照組主席張漢明醫生（上面講反佔中500人其中一個）又指，執業資格試原則上應與本地醫學院終期考試同等水平，惟本地醫科生考試合格率逾九成，明顯與海外醫生合格率有差距。

跟住，明報2015年12月10日報導《吳歷山：醫生執照試門檻太高 必須改革》。吳歷山醫生個？咪上面反佔中500人其中一個囉。(睇呢條 link:　http://orientaldaily.on.cc/cnt/news/20110924/00176_009.html)

好啦，政府同呢班人兩面夾擊，[#FF0000]政府 cut budget 搞爛個場，呢班人出來唱要降低執照試門檻，然後廿蚊張提出私人草案改革，接住梁智仁想將「有限度註冊」由一年延長到三年[/#FF0000]，有無咁撚柒橋呀？

好啦，睇睇上面提到既LMCHK醫生背景啦。拿，佢地都係香港醫務委員會執照醫生協會既理事。

首先睇話醫生執照試門檻太高而必須改革既常務理事吳歷山醫生，佢1968年北京大學醫學院畢業，係[#FF0000]北京市政協委員[/#FF0000]。2002年既時候，佢係美國讀書既仔因為被佢禁止外出被關在房間內，咁就繩索綁住螺絲批卡在窗花自製「逃生繩」爬窗偷走，但結果因為天雨濕滑失足，由四樓寓所外牆直墮一樓平台受傷。

好啦，返來會長張漢明醫生度啦，佢係暨南大學醫學院畢業，香港醫務委員會執照醫生協會會長，醫務委員會執照組主席，[#FF0000]安徽省政協委員[/#FF0000]，曾經係廣華醫院做。

副會長林永佳醫生香港醫務委員會執照醫生協會理事，[#FF0000]廈門市政協委員[/#FF0000]。

秘書長周俊恆醫生醫生協會秘書長，[#FF0000]左校培橋書院校友會副秘書長[/#FF0000]，暨南大學醫學院畢業。

常務理事梁兆寬醫生中山醫科大學畢業，中山醫香港校友會永遠榮譽理事長，香港眼科醫學院院士，[#FF0000]新華社香港地區事務顧問[/#FF0000]。常務理事陳潔霜醫生第一屆暨南大學醫學院畢業，廣華醫院婦產科顧問醫生，[#FF0000]哈爾濱市政協委員[/#FF0000]。

理事陳素中醫生福建醫科大學畢業，福建醫科大學香港校友會第三屆理事會顧問，[#FF0000]香港福建社團聯會專業委員會會員[/#FF0000]。

咁你地點睇呀？

https://www.facebook.com/incineratingly.hot.jan/posts/10157217241115171