1. 有人可以睇到任何會員嘅私隱並將之起底，極可能同小圈子私下有密切接觸，唔理係呢個人主動講、欲拒還迎咁講抑或畀人哋問，都可能會洩露會員個人私隱；

2. 膠登有套「民主制度」，但有人可以凌駕制度，分分鐘有朋黨前呼後擁，吮癰舐痔。結果變成親疏有別，冇嘢就民主，一旦畀人唱或危害朋黨利益，就用絕對權力踐踏制度。


膠登而家只有「應該屌」同「唔需要屌」，唔好奢望一個作威作福、勾結朋黨嘅人會畀你哋民主，你哋唯一可以做嘅就係用僅餘嘅自由鬧兩句。現實如是，網上更甚。

如果，我話如果，有人今日運用特權起人底，你點知聽日佢會唔會交你哋啲資料畀其他人，例如交料畀強力部門？

網上已經有唔少文章提醒你哋時勢唔同咗，
當呢個人同人傾計，「依牙鬆槓」，晒自己有特權，即係暴露咗自己，你點知同佢交談嘅人係唔係善類？
一旦呢個人畀有心人刮到，脅迫之下，佢仲有幾多骨氣？

以前有特權嘅人遮遮掩掩，潛得就潛，搵都搵唔到。
而家時勢嚴峻，點解特權人士反其道而行？
無他，權力使人目盲，權力使人耳聾。