星期日大台喺黃金時段播嘅重頭節目「萬千星輝放暑假」，司儀有Do姐鄭裕玲、農夫，仲有成過百藝員撐場，睇個名同陣容以為台慶？錯啦！搞咁多嘢，只不過係為咗宣傳「myTV SUPER」[/size=1]呢個平台。成晚節目，成班司儀同藝員都不斷重複又重複咁「Super」，唔知仲以為睇緊廣告！

辛苦咁睇完入面啲節目無限loop，去到廣告時段，點知，又繼續係「Super」嘅廣告，沒完沒了！

網民睇完就當然鬧爆啦，仲有做開電視業嘅網民教大家點分「節目」同「廣告」，講話如果大台喺節目中賣廣告，原來唔可以喺節目內講出產品個名，而見logo次數亦都有限制；如果嗰個只係「廣告雜誌」呢？左上角就唔會出現logo，而且頭尾至少會key五秒廣告字眼。

話晒呢個「myTV SUPER」[/size=1]唔係免費嘢，大台仲用成個幾鐘節目時間，入面不繼大sell特sell，所以通訊事務管理局接獲傳媒查詢時，就話截至星期一下晝5點，已經收到30宗有關節目嘅投訴，內容大部分都係話成個節目都係推銷收費嘅網上平台服務，可能違反禁止喺節目中作廣告宣傳嘅電視業務守則。至於通訊事務管理局辦公室表示，正按既定程序處理有關投訴。