鄺俊宇很想反擊，但，鄺俊宇，不說。一旦說了，逗號，就不見了。因為，有一種文體，叫鄺體。只說不寫，就不能，數到三，又逗號。雖然有人肆意攻擊，但鄺俊宇係唔會怕。假若，大家遇到競選中的「逗號」，千祈唔好有「問號」，因為，也是一種選舉宣傳。愛逗號，一如選舉前。
係咪好多逗號呢？乜大家唔知，呢種係時下最流行嘅寫作風，由民主黨超級區議會參選人之一嘅鄺俊宇帶起。係呀，佢係元朗區議員，又係愛情小說家，網絡紅爆，年紀輕輕fans多，大家like嘅，可能就係呢種咁有個人style嘅文體！
或做選舉icon

唔知係咪人紅就多人妒忌，最近唔少人就住鄺仔嘅文風，作出好多批評同攻擊，仿鄺體喺網絡湧現，一句「逗號很累，但逗號不說」成為潮人金句。八方問過鄺仔，佢話留意到有人笑佢，但對於呢啲網絡攻擊，通常一笑置之，「係喺過去兩三年學番嚟，都練到一身功夫㗎！」
但見今次群情洶湧，佢亦喺前日用佢至愛嘅逗號，喺fb意有所指留咗隻字感言：「愛情裡，逗號多、句號少/我們都期待幸福的事情/但找到完美的句號前/要經歷不少的停頓/更精彩的，常在這些點號之後」。
鄺仔話呀，估唔到呢次自嘲，反而獲得唔少支持，好多人讚佢EQ高，佢笑笑口話：「個勢好似返咗嚟！」例如有網民就回應「嘩，咁都畀你自嘲得咁好lol」，另亦有人話，之所以鄺仔可以突圍而出，梗係有原因。
雖然鄺體令逗號成笑柄，但鄺仔話，一定唔會放棄同佢並肩作戰多時嘅逗號㗎，既然自己嘅命運已經同逗號相連，唔排除會用逗號做自己嘅選舉icon。見逗號，如見鄺仔；能夠認識逗號，已經是，一種幸福，謝謝你。

李八方

http://hk.apple.nextmedia.com/news/art/20160721/19703722

出力打飛機