就咁睇相以為係中產阿叔被地產佬圍，原來呢班係中學教師嚟架！

網民Taku Taska向豬屎佬爆料，話升中嘅細佬被派第25志願，於是佢陪細佬去派位中心查訽下有咩學校係可以叩門啦，點知去到果陣，有一大堆人湧埋嚟，自稱係乜乜乜學校嘅老師，又話如果肯入黎佢哋學校讀有午膳優惠同校服津貼喎！

之後Taku 同細佬由中心出返嚟，又有2個男老師走埋嚟，問有無興趣參觀佢哋間學校，如果肯入讀就免費送冬季同夏季校服，又話自己嗰間係觀塘最出名既英文書院。

咁Taku覺得件事鬼鬼地，就叫班經紀... 唔係... 老師咪再跟住嚟，唔係就叫蘋果日報嘅記者嚟。之後嗰2條經紀... 唔係... 老師就發脾氣，話:「死垃圾！扮有料！係有料就唔洗黎派位中心啦！」

Taku同豬屎佬話呢班咁嘅教畜仲爛纏過喪屍，唔明為人師表點解可以咁樣鬧人。坦白講，做老師都其身不正，豬屎佬睇死啲入咗你間學校都會學壞啦！垃圾！

btw類似嘅事件，蘋都真係有報喎，哈！

【升中派位　教師如經紀群湧「拉客」　sell準時返學有車船津貼】
http://hk.apple.nextmedia.com/realtime/news/20160705/55317565

圖片：蘋果日報

https://www.facebook.com/hkjuicynews/photos/a.579606435512241.1073741828.578601858946032/713310388808511/?type=3&theater;