內地嘅「蠟像館」入面啲明星蠟像，最吸引人嘅地方，就係入面啲蠟像同紙紮公仔冇乜分別，好似四川華鎣山，入面一個號稱中國第三大蠟像館嘅「華鎣山中外名人蠟像館」，入面有齊晒鞏俐、周星馳、成龍、李連杰、周杰倫、劉德華等名人，不過，最搞笑嘅地方係，章子怡、周杰倫、黃曉明等都話冇授權畀呢間「恐怖蠟像館」出「蠟像」！你都咪話唔恐怖！

至於呢日，又有一個明星「中伏」，不過今次唔係啲山寨蠟像館出事，而係香港都有間嘅杜莎夫人蠟像館！

位於重慶嘅杜莎夫人蠟像館[/size=5]，最近加入咗前跳水王子田亮，不過，一見到呢個蠟像，就真係嚇親班街坊喇，事關田亮嘅蠟像同一般蠟像唔同，為咗話畀大家知，田亮係玩開跳水，所以館方就用佢跳水嘅姿勢，造咗個蠟像，而且仲將佢「倒吊」，掛喺蠟像館入面！至於田亮本人，可能佢都冇諗過「自己」會被倒吊，所以個蠟像一開幕嘅時候，佢自己都嚇到呆咗！