陳冠希剛才喺上海出席活動後，提到前日突然喺微博到爆seed咁鬧爆林志玲一事，佢話之前已經溝通過三次，但係對方一直冇回應，最後後仲警告對方林志玲，唔好逼佢講一啲唔好聽嘅說話。

另一邊廂，林志玲同樣喺上海出席一個婚紗活動，台上見到林志玲着住啲紙巾婚紗走台，擺晒甫士咁，好似未有受到事件影響咁。行完騷後，佢就接受記者訪問，講番被陳冠希炮轟一事，佢就話自己覺得感到莫名奇妙，話自己都好想知道發生咩事搞到陳生咁嬲。當記者講到陳冠希話私底下同佢溝通過三次不果，佢先爆大鑊，林志玲聽到就表現得好驚訝，仲話：「如果有甚麼問題陳先生可以直接找我弓月尸十竹1手解決，而不是通過媒體和大眾張揚。」

林志玲接受訪問時稱：「如果陳先生有什麼需要我幫助的地方，直接告訴我，沒有必要透過媒體和社會大眾來做這件事。」

講講下林志玲雙眼含淚，稱自己就連發生咩事都唔知嘅情況下被人誤解，覺得有點委屈。佢話雖然最近工作繁忙，但都有聽到網上聲援自己嘅聲音，又指自己無論咩時候都會保持充滿正能量形象，儘量唔會俾其他聲音所打擾。

被問到是否覺得陳冠希喺社交平台咁公開辱罵不尊重女性，林志玲就稱：「我覺得不是性別的問題，而是每一個人都應該懂禮貌有教養。」