立法會選舉提名期已經完結，梁天琦既提名是否有效，仍然未有消息。本來，梁天琦所屬既本民前構思「Plan B」方案，在新東報多一張名單做後備，萬一梁天琦不能入閘都可以有人頂上參選，實屬正常，我亦支持呢個做法。但係，尋晚已有消息傳出，後備係本來已報名新西既青年新政梁頌恆，本民前同青年新政兩個組織，政治路線同形象南轅北轍，絕唔會係因政見而結合。

到左今日，真相終於大白，除左確認青年新政梁頌恆轉區報名新東，一個「前」本民前成員李東昇（黃台仰形容佢係策略性退出）會同佢合組名單，排第二。梁頌恆擔任後備，本來已經引起相當大既質疑，而家青年新政更加同本民線合組名單，我對呢個做法極度反感。

根據一位有親身到尋晚本民前街站既朋友所講，[#FF0000]佢只係聽到本民前義工講「提名係俾青年新政梁頌恆」，絕無出現過「李東昇」呢三個字，咁樣收提名已經相當唔老實。
[/#FF0000]
以政治倫理論，梁天琦的後備最好由直系人士（黨友或者親屬）擔任，搵一個政見大異既外人頂上，實屬名不正言不順。到今日梁頌恆報名，突然出現一個「前」本民前成員排佢第二，喺有本民前直系人士可以出選的情況下，點解唔係由李東昇自行出選新東，非要合組名單俾梁頌恆排第一？梁頌恆單頭選，已經係唔理想既安排，而家仲要同本民前直系人士合組名單， [#FF0000]兩個政見大不同既組織撈埋做瀨尿牛丸，係愈做愈錯，你當選民係白痴？[/#FF0000]

本來李東昇自己一條飛去選就得，偏要兩個組織合組名單，我根本睇唔到本民線同青年新政只係純粹想有人做後備，如果梁天琦入唔到閘，相信佢全力為後備助選，贏一席都唔會有問題。我睇到既係，兩個組織預設左梁天琦入到閘，然後想用梁天琦既光環搏多一席！[#FF0000]本民線想用梁天琦光環迫支持者硬食青年新政，毫無政治道德，係政治騙子既行為！[/#FF0000]

黃台仰仲要對傳媒講，梁頌恆去選新東係放棄左自己主張同政見，已經作出讓步。真係多謝晒，[#FF0000]政治人物出來選舉，本來係為左推動自己政見理念，而家竟然調返轉，我唔該梁頌恆交代清楚佢放棄左乜野主張，會唔會係青年新政日講夜講既民族自決，定係其他野。[/#FF0000]

https://m.facebook.com/story.php?story_fbid=10153654130087056&id=539942055