今日當局宣佈其中一個主張獨立的政黨人士禁止參選,
但就無同時宣佈埋禁止梁天琦同黃毓民等熱普城系統
好明顯個政府係度試水溫
如果民間反應係佢角度而言唔算大的話,
我估佢下一步會"招呼"埋梁天琦
但毓民等人未必有事

點解先對民族黨呢? 當然佢大條道理繼續堅持, 亦唔簽有關
第二係陳浩天唔出名, 震撼力肯定不如梁天琦
如果BAN陳浩天參選而民進黨民間反應係佢角度而言唔算大的話
民眾就會建立一種心理機制, 預左梁天琦無得選
民眾有心理預期, (即接受現實)
民間反彈就會更加細, 自然唔會對政府添煩添亂
依個先係政府最關心的事

所以話晒冷
換言之選星期六大家放晒假開開心心,
心情放鬆而唔係戒備的時間通知你唔選得
就係趁你無時間集中力量反擊

至於點解判斷毓民等人未必有事
因為毓民更出名, 反應肯定比梁天奇更大
而且陳雲同熱血都係主張永續基本法
一下子再BAN埋熱普城系統
就有7個人無得選, 影響太明顯, 就會招來國際干涉
如果只係BAN民族黨同梁天琦, 國際社會當閒雜人等
亦費時係同國家領土主權的事同中國糾纏 (即香港獨立問題)
所以今次西方各國應該傾向唔會以人權同民主問題, 出聲批評
更何況西方對香港獨立態度係冷淡,
(分析過228補選, 美國無用黃之鋒級別報導就知)

今次係重點招呼陳浩天同梁天琦
因為前者曾經引起波浪, 雖然知名度有限, 但取態真係睇落進取,
而且陳口才唔差, 有可能係選舉論壇中感染市民同入屋
此乃當局最大擔心

而梁天琦比陳浩天更為高階版本, 口才更為了得
如果高票當選令北京極之EMBARRASSING,
同埋始終會招來國際報導, 最終又影響國內政局

如果民間反應不大, 而當局已經出手解決陳浩天
梁天琦都90%不可能獲准參選