為咗讓巴打們，一入黎依個post就睇到我最重要想交代嘅嘢，我首先想交代返發生咗啲乜嘢事：



Doll Elements喺動漫節唱完第一首歌之後被叫停



因為由於今日打8號風球，動漫節打算提早收檔，急到連個Live都即刻暫停咗（應該係為咗啲人唔好喺度聚集，盡快離開）

Doll Elements暫停咗個Live之後，先落一落台，呢個時候我地依啲Fans嘅反應都幾大



Doll Elements下台同啲Staff商量完，並且表達完佢地自己想繼續個Live嘅意思之後，照明重開，重新上台！


佢哋當然係因為責任感，而且亦都係為咗在場嘅Fans，而想繼續表演，唔想令到千里遙遙黎到會場，同埋喺香港咁遠嘅地方一直支持喺日本嘅自己嘅香港Fans們失望



為咗報答Doll Elements佢地嘅心意，我地Fans們更加努力地舉螢光棒、大叫Call！更加投入參與整場Live！

一開始唔係好叫Call嘅人，見到咁嘅展開之後，都更加投入參與！



之後佢地嘅演出，令我感受到嘅，係可以形容為 熱血、感動 同埋 興奮！



表演結束，我嘅體力用盡 同埋我嘅聲音變沙啞，我對個表演感覺到好滿足


但之後，發現Doll Elements嘅成員好多都喺Twitter講咗同一樣野，就係其實仲有最後一首未表演，依件事令到佢哋覺得遺憾

依件事令到我聯想起我所支持嘅成員，喺表演完咗之後望住我帶有點遺憾嘅眼神，好似有嘢仲未做完，對我唔住咁

呢個眼神一開始令到我感到不解，但係依家將「唱少咗一首歌」依件事聯想起來之後，起碼得出咗個有可能嘅答案。



依次嘅live，令到我嘅感受真係好深。



估唔到會有咁嘅事情發生，同埋有好似如電視劇般嘅事情發展

但依套電視劇絕對唔係TVB嘅垃圾肥皂劇，而係日劇，一套交織住熱血同感動嘅日劇

無論佢哋選擇同Staff們表達希望上台繼續表演嘅意願，係出於責任感 或者係對於Fans們嘅愛惜（我相信係兩樣都有），呢一次嘅颱風；呢一次嘅事件，令到我體會到依對組合嘅好！



我係咪要多謝呢個颱風呢？