「暖男」大行其道，而家個個女仔都話想搵個暖男做男朋友，但男仔又知唔知咩係「暖男」先？所謂暖男，其實唔係sell靚仔有型，反而係用日常生活嘅體貼同溫柔令女仔心動，都係唔明？唔駛驚，呢5個加分行為學咗先啦！

1）靜靜地聽對方講心事

好多男人都唔知道女朋友同佢分享心事嗰陣可以講咩，又怕講錯嘢會令佢更加嬲。其實女仔想要嘅好簡單，只係想你靜靜地聽佢呻，聽完之後攬住佢講句「發生咩事都有我喺度」，咁樣嘅話就係女仔都buy啦！

2）細心觀察你的日常習慣

貼心嘅男仔最吸引嘅地方，就係平日你要自己做嘅事佢都幫你諗埋。最簡單做起就係留意日常習慣，例如知道對方怕凍，所以身上準備定保暖衣物畀對方，女仔見到你咁做就會覺得原來對方一路都咁留意自己，印象分即刻加100！

3）主動關心對方

出街去得夜，主動提議送對方返屋企，叫對方返到屋企報平安是常識吧！除咗平日日常照顧之後，如果男仔識得留意對方嘅情緒，發現對方唔開心嘅時候主動提出關心，對女仔嚟講都係一件好窩心嘅事。

4）在女生不舒服的時間照顧對方

做女仔最辛苦，一定係每月必到嘅經痛。如果男仔識得提對方戒凍飲同埋生冷嘢，又會準備熱飲等你紓緩一下，喺女仔呢個最脆弱嘅moment表現關心，一定會令你嘅暖男指數upup！

5）無論幾忙都會搵時間陪你

就算Pokemon GO幾好玩，打LOL幾開心都好，作為暖男，為咗自己鍾意嘅女仔一定會搵時間見面，喺對方心目中亦會留個好印象，為咗見自己而放低自己鍾意做嘅事，證明對方心入面有一定嘅重量。

https://hkstylemen.yahoo.com/post/148440374241/做暖男其實唔難5個男生加分行為