https://www.facebook.com/ray.wong.3785/posts/10209903221440339

有人會質疑點解本民前會搵青政做plan b，又會話推plan b會耗盡梁天琦本來嘅光環。
1. 點解要有plan b?如果梁天琦被人DQ左，本土派起新東就只會剩返國師一張名單，咁結果當然係國師高票當選。但係就如黃洋達起新東補選後第二日嘅記招所講，新東夠入兩至三席。如果只有一張名單，咁就有機會令部分本來投本土派既票流到人社/咖哩飯（睇天琦DQ後民調，人社明顯高左）。既然本土派應該有更多資源，有更多議席，難道想益左人社？所以我地認為要有後備方案。
2. 點解要係青政？其實在確認書一出，我地已經開始要作最壞打算，什至起節目到曾公開呼籲有意參選嘅人可以主動聯絡我地，最後當然係一個都無。本來有打算參選嘅一早就企哂出來，就算我地講到情況幾咁危急，都無人能夠幫到手。青年新政起呢段期間亦都有幫我地搵人，但最後都係無。最後我地才說服梁頌恆作後備出選，而佢考慮幾日後亦挨義氣答應，到不得不公開plan b前，佢仍然非常希望天琦能夠確認資格，自己不需要上陣。
3. 本民前還人情比青政？其實我都唔明點解會有呢個講法。明明青年新政因為我地而打亂左佢地本來既部署，由選兩區變選三區，做既野又多左，仲要唔係為左自己個黨同自己。佢地咁做完全係因為見到天琦被政權打壓而仗義企出來。咁關咩人唔人情事。
4. 如何保證青年新政拎左個議席之後會唔反骨？呢條問題其實無左青年新政四隻字，對任何政黨/政治人物都一樣適用。比人出賣咪要佢負返相應責任囉，玩大佢一向都係本民前強項，大家唔需要為一班暴徒擔心呢個問題。
5. Plan B會耗盡梁天琦光環？首先光環係唔係都會耗盡嘅，而且本民前一開始都唔係為左光環而存在，所以大家都唔需要擔心我地個光環。我地認為光環要轉化為政治力量先有實際作用，所以我地希望能夠幫助更多本土派入到議會。如果青政3席全取+表明支持港獨陳澤滔+熱普城5席全取就係對本土派最有利嘅狀況。而家仲有半個月多d，可能性仲有好多（新東補選正式d嘅選舉工程都係兩星期），我地諗嘅係要本土派贏哂！

完。