各位巴打大家好，如果大家有印象，小弟喺好耐之前出post宣佈勇武前綫成立，一直以來承蒙各位本土派手足關照，一路上雖然話跌跌撞撞，但係都算走到今日。

但係自從之前一位成員加入勇武前綫之後，內部就開始不斷變質同被滲透，甚至fb page上面嘅嘢都越嚟越唔對路。

咁當時嗰位仁兄加入嘅時候，因為人手不足，所以我哋都有比佢參與fb page嘅營運同內部行政，我到見到佢入嚟做野都叫積極，咁佢後來都成為咗核心成員。

但係後來，佢add左一班人，聲稱係佢嘅朋友，話呢班人冇問題信得過，我都本住信任佢，冇點過問呢班人，而佢哋亦都喺該成員嘅協助下好快掌握左勇前嘅行政運作。

後來大家都應該見到勇前出過啲唔太恰當嘅post，搞到畀人圍插，咁我就去同佢地傾一傾，但係佢地就打算扮冇咗件事，等佢不了了之，亦都冇打算去改善，令好多成員不滿佢地嘅作為而離開勇前。

依家勇前情況就係原來嘅班底成員基本上走得7788，而家可以話係俾人鵲巢鳩佔，甚至可以稱之為騎劫。

希望各位手足可以留意吓呢件事，而勇武前綫嘅士啤page亦會啟動，由原有嘅管理班底去繼續營運，希望各位可以幫下手，令到更多人知道呢件事，唔該。

成立時出嘅Post：
http://hkgalden.com/view/235746

勇武前綫士啤專頁：
https://www.facebook.com/勇武前綫-士啤-370460059825300/