里約奧運落幕，是福是禍暫時係未知之數
除左睇下場館最終會唔會變成大白象外都仲要睇今屆奧運為巴西帶黎既收入同埋經濟經濟增長以及民生有冇隨配合奧運既政策得到改善
而今次既重點就係想討論下東京奧運
里約奧運既閉幕禮入面可以睇得出日本係對國際(非南海/東亞國家)既外交手段係點樣
就係用軟實力同埋親民形象面對世界
好多時就咁樣就可以蓋過自己國家野心勃勃既事實
實在，解放自衞隊建立正規軍係時局所趨
東海同南海爭議不斷，開戰與否只係睇幾時會刷槍走火
而美國雖則有意重返亞洲，但難保一但有戰爭美國又會鳩縮(美國對付國際紛爭淨係識車大炮是常識)
所以日本建軍係在所難免
而且我暫時唔認為日本係解禁自衞權後會痴線到主動開火
總結我都唔覺得安倍同佢既政府係一個復興軍國主義既政權，最多都只係對附近國家態度極強硬既政府；反之中共不斷冇果樣整果樣、又巡邏船又人工島先至係好多衝突既源頭
再者國際間有關領土紛爭既問題不斷，依加既日本之所以會被中國等國評為復興軍國主義或多或少只係想抹黑對方
而2016至2020呢4年間國際關係一定會有好大既變化，而南海或者中日既關係應該都唔會變得好，甚至只會惡化
故我覺得東京奧運屆時或者可以成為一個契機，各國可以藉奧運團結既精神為紛爭降溫，談不上係解決地界問題既時刻但相信都可以緩和各地既局勢