http://video.cdn.on.cc/video/201608/ONS160825-14324-86-2M_ipad.mp4















電子產品當道的年代，還有幾多小朋友會玩摺紙？

紙飛機、紙船、東南西北......小時候就算不懂摺紙，都一定有玩過以上幾款小玩意。近日手機捉精靈的熱潮稍稍冷卻，但原來用摺紙都可摺出一隻隻似模似樣的實體小精靈、蝙蝠、甚至十二生肖。不過，身處電子產品當道的年代，還有幾多小朋友會玩摺紙？

現年54歲的吳聲強本身是香港摺紙學會會長，平日他的身份是文具店老闆，吳笑言平日摺紙時不愁「冇紙用」。自小已有摺紙習慣的他，與同年代其他小朋友無異，當年家中沒有餘錢買玩具，最方便就是用功課簿的紙張「摺嘢玩」，「小學時開始摺嘅梗係簡單啲，但自己摺到時，見身邊啲同學原來摺唔到，當刻覺得好自豪，自然對摺紙專注咗！」惟其後投身社會，工作忙碌，只能於閒時摺紙，真正重拾摺紙並開始創作，全屬因緣際遇，「當時識咗個朋友帶我加入摺紙社，然後我再參加咗濕地公園協辦嘅摺紙創作比賽，就開始有第一件作品，係一隻白鷺！」

由首次創作嶄新摺紙至今雖只10多年，但吳平日「一得閒就諗就摺」，已創作出不少特色摺紙，例如可放入紙製戒指的心型戒指盒、銀紙摺成的12生肖、紋理獨特的花瓶等等。「有啲係日常生活見到，有啲就係同機構合作時佢哋畀靈感。」吳到底如何將平平無奇的一張紙，透過獨特摺法轉化成立體物件？他表示，當中並無任何神奇魔法，只靠一點一滴累積的經驗，「摺得多先會明白每個步驟點樣形成，先可以諗個摺法點樣構成件物品，譬如諗呢條龍，我會由個頭、到個身咁逐part諗點摺，再將佢接埋一齊。」他表示，每次「出貨」時間不定，快則一星期，如摺法複雜，則或需時數月才能完成。

採訪當日，吳即場示範摺出同樣由他一手「由零開始」研製的蝙蝠，不消10分鐘便已宣告完成，只見蝙蝠摺完後可拉開伸展，呈現出休息和飛行兩種不同形態，絕對比手機遊戲中「老是常出現」的波音蝠更為吸引。

不過，現時是否仍有新一代加入玩摺紙？吳坦言，目前該會會員以老一輩居多，而摺紙對不同年齡層其實都大有裨益，既可訓練手、眼、腦的協調，又可培養耐性。他亦鼓勵沒有摺紙經驗的小朋友大膽創作，即使大部分都天馬行空，甚至亂摺一通後將作品命名為「怪物」，對一眾小學員都不會立即否定。而摺紙雖然看似愈見式微，吳卻認為這門藝術不會就此失傳，「其實摺紙係一件國際性嘅事，世界上差唔多每個地方都有摺紙會，會員之間有定時交流，所以絕對唔會冇人玩！」現時對於吳，最大的挑戰是將摺紙步驟化繁為簡，希望藉此推動更多新一代接觸摺紙，將之承傳下去。

---------------------------------

※全新的《myVEGAS Lucky來了》手機遊戲，送你免費演唱會門票、澳門豪華住宿、中環高級食肆套餐！ 免費玩、豪華賞！http://playluc.ky/mvlloncc

來源 source: http://hk.on.cc

+++++++++++++++++++++++++++++++++++++++++++++++++++++++++++++++++
睇完成篇，都冇話同日本交流過，攪邊料