得果九十幾分鐘, 想講嘅野太多，搞到成個故事支離破碎
極多無意義嘅慢鏡
無啦啦夾硬加個向黑澤明(姿三四郎最後決戰果度)致敬嘅鏡頭

成套基本上係冇主軸，東講講西講講，邊度睇得出沙燕隊好想贏？點解個校長係選擇搞棒球隊，而唔係足球或籃球隊？又點解肯比哂果63萬比校長搞隊波出黎？
廖啟智俾幾個校長圍插果part，佢講句對唔住、請佢地食蛋撻就完？完全睇唔出佢搞隊波係有幾辛苦。

又係早戀、未婚媽媽、誤入歧途做黑社會？大佬，你不如另外開套電影叫屋村風雲好過啦，你連熱血同團隊精神都拍唔到出黎，你就cut哂d支節，淨係拍好同拍多d球隊、球員之間嘅趣事、經歷好過啦！

旁白太多，其實好破壞套電影。

套電影冇解釋過接殺、雙殺、三殺、好球同壞球，有幾多個香港人會明？我好懷疑。

一套以棒球做包裝，其實想講今日香港，而又冇主軸，友情、愛情、親情都有拍到，但全部都淨係講少少嘅電影。