政治全部都係利益，英中美日台韓朝，做嘅嘢都係利益，信係冇用架。

喺一班利益至上嘅人入面，從來只有利用利用再利用，
大嘅就利用人，細嘅就係利益板塊之間苟存，
所以冇永遠嘅朋友，亦冇永遠嘅敵人，只有永遠嘅利益。
你選擇「絕對信任」、「崇拜」，只會畀人用完即棄，最後渣都冇。

膠登民主實驗早有實例，先有假惺惺嘅埃屎，後有自高自大嘅Met匪、膠紙、初字頭同小圈子，再有不分青紅皂白嘅教皇鴨，
你哋睇下你哋張票、你哋啲正負皮幾廉價？
你信，咪畀人用完即棄，撚完再撚囉。
政客要乞你哋張票，你哋就要令佢哋聽你支笛，做合符選民利益嘅嘢。
點樣令政客聽選民支笛我唔清楚，但有人選擇用「崇拜」令政客聽自己支笛，真係話你戇鳩怕你嬲。

呢啲阿媽係女人嘅嘢本來唔駛講，但見到某登有唔少人講「信邊個邊個」，然後不停講人哋係邪教，完全唔係討論政事，有害無益。
一個明智嘅選民，你哋應該討論「邊個人最符合我嘅利益」，而唔係鬧人「你做乜唔信我嗰個，你嗰個係贗品、係次貨」。