又係一個陰謀論滿天飛嘅時候。之不過…今次唔關候選人事，而係關阿姐汪明荃事。件事係，阿姐新開嘅fb專頁，噚日開始突然俾fb封咗。咦…………………



阿姐噚晚喺微博貼咗張fb截圖求救，寫道：「有人可以告訴我這是甚麼意思？帳户被停權？我是fb新手，請高人指點。謝謝。」張圖就係見慣見熟嗰啲，寫住帳號已被停用，「你的帳戶已被停權，如有任何問題或疑慮，請前往我們的說明中心。」

究竟咩事呢？唔知。可能係阿姐fb被hack，可能係貼咗啲違規資訊，可能係被檢舉……咪住先……阿姐上次喺fb貼咗幾張農曆7月夜麻麻燒街衣嘅相，關唔關事呢？真係冇人知。

成件事更離奇嘅係，阿姐選擇喺微博求救，問及關於fb嘅問題——即係咁，「鄰近經濟強國」係地球上少數禁用fb嘅國家，喺呢個國度裡面，佢哋只能用一言一語都被限制嘅微博，上fb？唔係唔得，例如可以翻牆，或者限於指定日子，例如收五毫子order要發動洗版行動嗰陣。咁，阿姐喺微博搵人救佢個fb，會唔會傻豬咗啲？

網民(大陸)集思廣益，結論如下：

「哎！真是又氣又心疼！女神可能是你說那些話被某些人舉報了吧，還是別弄那什麼fb了，中國人還是看微博的多，無論你在這說什麼都不會有人這樣對你的。」「liza姐玩微博吧，香港很多人用微博的，fb一般不怎麼好用。」(編按：呢位網民註明佢來源地係江西)「阿姐不要那個垃圾了，就玩ins和微博吧」「被港獨分子黑了！Fb那麼辣雞，網頁又亂！不去，乖！咱不去那裏。你也算是Fb的一股清流了！」「估計是前幾天你在港臺說的話不招港獨待見，被舉報了」「身份認證，一般最多一天左右…現在…能不能通過都會發郵件告知…通常幾個小時就可以了」

你點睇？

http://hkm.appledaily.com/detail.php?issue=20160901&guid=55584504&category_guid=7018882&category=instant