利申：全FF

＜＜序＞＞

我叫James，今年30歲，中學讀和尚寺，城市大學會計系畢業。事業上我係唔錯嘅，自從畢業後，我去左水記（PoorWaterCoolers會計師樓)度打工，乜專業資格都考，我仲勤力做奴工，經常OT到凌晨，所以完全冇時間去消費，變相儲錢比人勁，仲喺北角買左層樓，自住，算係中產以上架啦！不過，感情上，我十分之空虛，自問一定比專家的神靚仔，但我對感情非常冇信心。十幾年前，我前任女友凌晨時份喺茶餐廳講佢俾左綠帽我戴，同個醫生定律師行埋一齊後，我就對感情絕望，簡單啲講，係我令到自己變絕緣體。女人，我一啲信心都冇。

雖然我冇女性朋友，但我男性朋友都唔少嘅，佢地仲成日介紹女仔俾我識，但好多只係見一次起兩次止。冇計啦，佢地約飲嘢，我未必次次出得到來，久而久知，啲女就被人捷足先登。曾經都有幾個唔錯嘅女仔，好似Phoebe，外表斯文，做上市公司秘書，專業人士；又或者Mary，韓國金融財閥千金，來港幾個月鐘意左香港，唔知做緊乜咁。可惜，我都係出手唔夠快，一齊飲左幾嘢次之後，就聽到佢地同開始其他人拍拖。咁冇計架，男人以事業為重嘛。女人，有錢有架啦......不過我同資深一樣，得個講字，自我安慰。